Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փոխըմբռնման հուշագիր Լոռու մարզպետարանի և «Առողջ Հայաստան» սոցիալական զարգացման հիմնադրամի միջև
13.03.2020
Այսօր Լոռու մարզպետարանի՝ ի դեմս մարզպետ Անդրեյ Ղուկասյանի և «Առողջ Հայաստան» սոցիալական զարգացման հիմնադրամի միջև՝ ի դեմս հիմնադրամի համահիմնադիր և գործադիր տնօրեն Մկրտիչ Կիրակոսյանի կնքվեց փոխըմբռնման հուշագիր՝ նպատակ ունենալով համագործակցելու «ՀՀ քաղաքային և գյուղական համայնքներում առողջապահության զարգացում» նախաձեռնության շրջանակներում համայնքային կյանքի ակտիվացման նպատակով մշակված և ներդրված ծրագրերի տիրույթում:
Կարևորելով նախաձեռնությունը՝ մարզպետ Անդրեյ Ղուկասյանը նշեց, այս համագործակցությունը լայն հնարավորություն կընձեռի առավել զարգացնելու առողջապահական համակարգը մարզի գյուղական համայնքներում՝ տարաբնույթ ծրագրերի ներդրմամբ և ֆինանսական միջոցների ներգրավմամբ:
-Այս ծրագիրը նման է «Դասվանդիր Հայաստան» ծրագրին, եթե առաջինի դեպքում ուսուցիչներն են ներգրավվում ծրագրում, ապա այս դեպքում՝ բուժաշխատողները՝ հատկապես գյուղական համայնքների առաջնային օղակներին նոր շունչ հաղորդելու նպատակով: Եվ ուրախալի է, որ Լոռու մարզն այս դեպքում հանդիսանում է որպես պիլոտային,-ասաց մարզպետը:
Կողմերը հույս հայտնեցին, որ համագործակցությունը արդյունավետ ընթացք կունենա և լուրջ արդյունքներ կգրանցի:
