Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Հրանտ Մաթևոսյանի ծննդյան տարեդարձը՝ Երևանի՝ նրա անունը կրող դպրոցում

13.02.2020

 Փետրվարի 12-ին՝ Հրանտ Մաթևոսյանի ծննդյան օրը, Լոռու մարզպետ Անդրեյ Ղուկասյանը հյուրընկալվել էր Երևանի՝ գրողի անունը կրող դպրոցում: Նրան ուղեկցում էր մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը:
Դպրոցի աշակերտները ուսուցչական կազմի գլխավորությամբ Հրանտ Մաթևոսյանի 85-ամյակին նվիրված գեղեցիկ միջոցառում էին նախապատրաստել: Դպրոցականներն այնքան պատկերավոր էին ներկայացնում սիրելի գրողին, որ Մաթևոսյանական շունչը տարածվել էր դպրոցի բոլոր անկյուններում:
Ինչպես իր խոսքում նշեց մարզի ղեկավարը, մեծ պատիվ էր հենց այս օրը Մաթևոսյան ընտանիքի հետ նրա անունը կրող դպրոցում անցկացնելը, ներկաների հետ միասին սիրելի գրողի անցած ուղին հիշելն ու վերապրելը: Հանդիպման ավարտին Անդրեյ Ղուկասյանը ներկաներին հրավիրեց Լոռի՝ Հրանտ Մաթևոսյանի ոգեշնչման աղբյուր հանդիսացող Ահնիձորում՝ նրա ծննդավայրի համն ու հոտը զգալու:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-02-28 12:36:12