Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայկական բարեգործական ընդհանուր միության հայաստանյան գրասենյակը Լոռու մարզում կիրականացնի կանանց հզորացման ծրագիր
30.01.2020
Լոռու մարզպետի տեղակալ Գայանե Մարկոսյան հունվարի 30-ին ընդունեց Հայկական բարեգործական ընդհանուր միության հայաստանյան գրասենյակի գործադիր տնօրեն Թալար Կազանջյանին և ընկերության ներկայացուցիչներին: Հանդիպմանը ներկա էին նաև մարզպետարանի պատասխանատու պաշտոնյաներ:
Թ. Կազանջյանի ներկայացմամբ, ՀԲԸՄ գրասենյակը նախաձեռնություն է ցուցաբերել սկսելու կանանց հզորացման ծրագիր Վանաձորում: Կազմակերպությունն արդեն երեք տարի է՝ դասընթացներ է իրականացնում կին ձեռներեցների համար՝ նպատակ ունենալով առաջարկելու այլ մասնագիտական հմտություններ ևս:
Ծրագիրը բացի ձեռներեցության հմտությունների զարգացման դասընթացից նախատեսում է կազմակերպել նաև ծրագրավորման, կանանց առաջնորդության և անգլերեն լեզվի դասընթացներ:
Ողջունելով նախաձեռնությունը՝ Գ. Մարկոսյանը տրամադրեց անհրաժեշտ տեղեկատվությունը՝ պատրաստակամություն հայտնելով ամենայն աջակցություն ցուցաբերել կազմակերպությանը ծրագրի իրականցման հարցում.
-Կանանց ցուցաբերված աջակցության, նրանց նոր հմտություններ, ինչու չէ նաև՝ ինքնավստահություն հաղորդելով՝ կարող ենք նպաստել համայնքների, այդ կերպ նաև՝ մարզի զարգացմանը,-իր խոսքում նշեց Գ. Մարկոսյանը:
Քննարկման արդյուքում հստակեցվեցին նաև թիրախային խմբերը, ծրագրերի արդյունավետ իրականացման ուղղությունները և այլն: Ինչպես նշվեց, ծրագրերի մեկնարկը կտրվի արդեն մարտ ամսին:
