Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

«Այս տարի ակնկալում ենք մի քանի անգամ ավելի շատ ծրագրեր». մարզի ղեկավարը սուբվենցիոն ծրագրերի նախնական հայտերի քննարկում անցկացրեց Գուգարքի տարածաշրջանի համայնքների ղեկավարների հետ

22.01.2020

Այս տարի պետություն-համայնք համատեղ ներդրմամբ իրականացվող սուբվենցիոն ծրագրերի մեկնարկը կտրվի ավելի վաղ: Նախնական հայտերը ՀՀ տարածքային կառավարման և ենթակառուցվածքների նախարարություն մարզպետարանը պետք է ներկայացնի մինչև փետրվարի 2-ը. այս մասին Լոռու մարզպետ Ադրեյ Ղուկասյանը տեղեկացրեց այս անգամ արդեն Գուգարքի տարածաշրջանի համայնքների ղեկավարների հետ հանդիպման ընթացքում, որն անցկացվեց երկու փուլով:
Քննարկումներին ներկա էին նաև մարզպետի տեղակալ Գայանե Մարկոսյանը, մարզպետարանի կառուցվածքային ստրաբաժանումների ղեկավարներ, պատասխանատու այլ պաշտոնյաներ:
-Նպատակը ծրագրերը շուտ մեկնարկելն է, որպեսզի հնարավորություն լինի դրանք տարվա ընթացքում ամբողջական ավարտին հասցնել,-իր խոսքում նշեց մարզպետը՝ տեղեկացնելով, որ 2019թ.մեկնարկած 56 ծրագրից 7-ը տեղափոխվել է 2020թ.:
-Այս տարի ակնկալում ենք մի քանի անգամ ավելի շատ ու տարողունակ ծրագրեր,-ասաց Ա. Ղուկասյանը:
Նա նաև տեղեկացրեց, որ համայնքների համար ծրագրերին մասնակցության առումով այս տարի առավել նպաստավոր պայմաններ են ստեղծված, ինչը լրացուցիչ խթան կարող է հանդիսանալ, ավելի ակտիվ լինելու համար:
Նախորդ տարի, ինչպես նշվեց, ծրագրեր էին ներկայացրել Գուգարքի տարածաշրջանից համեմատաբար քիչ թվով համայնքներ: 2020թ., ըստ նախնական քննարկումների, նրանց թիվն անհամեմատ շատ կլինի: Առաջարկվում էին հիմնականում ճանապարհների ասֆալտապատման, ջրագծերի, պուրակների կառուցման, լուսավորության համակարգերի տեղադրման,տեխնիկայի ձեռքբերման և մի շարք այլ ծրագրեր:
Մարզպետի հանձնարարությամբ քաղաքաշինության վարչության, համայնքների ղեկավարների և նախագծող կազմակերպությունների ներկայացուցիչների հետ ծրագրերը կքննարկվեն առանձին-առանձին, անհրաժետության դեպքում այցեր կկատարվեն համայնքներ՝ առանձին ծրագրերի իրականացման արդյունավետությունը տեղում ուսումնասիրելու նպատակով:
Սուբվենցիոն ծրագրերի նախնական քննարկումները նաև մյուս տարածաշրջանների համայնքների ղեկավարների հետ կշարունակվեն:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2020-02-28 15:52:27