Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՄԵԿՆԱՐԿԵԼ է ՁՄԵՌԱՅԻՆ ԶՈՐԱԿՈՉԸ
17.12.2019
Դեկտեմբերի 17-ին Լոռու մարզի Սպիտակ համայնքից մեկնարկեց 2019 թվականի ձմեռային առաջին զորակոչը: Հանդիսավոր միջոցառմանը ներկա էին Լոռու մարզպետի տեղակալ Գայանե Մարկոսյանը, Սպիտակի համայնքապետ Գագիկ Սահակյանը, Լոռու մարզի զինկոմ Արմեն Թումանյանը, տարածաշրջանի համայնքապետեր, զորակոչիկների հարազատներ:
Գայանե Մարկոսյանը շնորհավորեց նորակոչիկներին հայրենիքի պաշտպանի բարձր կոչումը կրելու, երկու տարի մեր երկրի պետական սահմանների պաշտպանությունն ստանձնելու համար: Երիտասարդների հարազատներին ևս մարզպետի տեղակալը գոտեպնդեց՝ մաղթելով նրանց վստահություն, կարոտը հաղթահարելու մեծ ու գիտակցված կամք և վճռականություն: Բարի վերադարձից հետո նա կոչ արեց նույնպիսի արժանապատվությամբ նվիրվել իրենց համայնքի, իրենց մարզի և Նոր Հայաստանի կառուցման սուրբ գործին:
Նորակոչիկները տերունական աղոթք հնչեցրին առ Աստված, մասնակցեցին գրական-երաժշտական միջոցառմանը և հարազատներին հրաժեշտ տալուց հետո մեկնեցին՝ կատարելու իրենց նվիրական պարտքը:
