Լոռու մարզպետի աշխատակազմ

Լոռու մարզպետի տեղակալ Գայանե Մարկոսյանի կողմից մարզի համայնքների ղեկավարների մասկացությամբ հարկերի հավաքագրման թեմայով խորհրդակցությունից շուրջ մեկ ամիս է անցել: Դեկտեմբերի 3-ին վերջիններս կրկին հրավիրվել էին մարզպետարան, և քննարկման թեման դարձյալ սեփական եկամուտների հավաքագրման պարտադիր լիզորությունների պատշաճ իրականացումն էր: Նախորդ հանդիպման ընթացքում ամրագրվել էին հստակ ցուցանիշեր, որոնց պետք է փորձեին հասնել համայնքները մինչև դեկտեմբերի 1-ը, ապա նաև՝ մինչև տարեվերջ ընկած ժամանակահատվածներում: Կարողացե՞լ են պահել խոստումը, ջանքեր գործադրե՞լ են, արդյոք, սահմանված ցուցանիշին հասնելու համար, պարզ դարձավ խորհրդակցության ընթացքում: Սեփական եկամուտների կատարողականները ներկայացվում էին տարեկան պլանների նկատմամբ՝ դեկտեմբերի 1-ի դրությամբ: Առավել թերացող համայնքների թվում շարունակում էին մնալ Շնողը(54.6 տոկոս), Մեծ Պարնին(68.5 տոկոս), Մարգահովիտը(75.2տոկոս), Ալավերդին(77.7 տոկոս), Սարչապետը(80 տոկոս) և այլն, թեև բոլոր ներկաները միանշանակ վստահեցրին, որ մինչև տարեվերջ նվազագույնը կհասցնեն 95-96 տոկոսի, իսկ որոշ համայնքների ղեկավարներ անգամ խոստացան գերակատարել պլանը:
Մարզպետի տեղակալը նշեց, որ գործընթացն իր ամենօրյա ուշադրության կենտրոնում է՝ հույս հայտնելով, որ սահմանված ցուցանիշերը կկատարվեն: