Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԼՈՌՈՒ ՄԱՐԶՊԵՏԻՆ ԿԻՑ ԵՐԻՏԱՍԱՐԴԱԿԱՆ ԱՇԽԱՏԱՆՔԱՅԻՆ ԽՈՒՄԲԸ ՀԱՆԴԵՍ ԿԳԱ ՆԱԽԱՁԵՌՆՈՒԹՅՈՒՆՆԵՐՈՎ

22.11.2019

Լոռու մարզպետին կից ձևավորվել է Երիտասարդական աշխատանքային խումբ, որի կազմում ընդգրկվել են 18-30 տարեկան ակտիվ ու նախաձեռնող երիտասարդներ մարզի տարբեր տարածաշրջաններից: Շուրջ մեկ ամիս առաջ նախնական հավաք իրականացվել է, և այժմ այդ խմբում ընդգրկված թեկնածուները քսանմեկն են, թեև հընթացս այն կարող է համալրվել: Վերջինիս աշխատանքները կհամակարգի մարզպետի խորհրդական Հարություն Այվազյանը:
Նրանց հետ այսօր տեղի ունեցած հանդիպմանը մարզպետ Անդրեյ Ղուկասյանն առաջարկեց հստակեցնել խմբի աշխատանքային ծրագիրը, հանդիպումների կազմակերպման հաճախականությունը:
Երիտասարդները հանդես եկան մի շարք առաջարկություններով՝ նախնական շրջանում իրականացվելիք ծրագրերի վերաբերյալ:
Ա. Ղուկասյանը կարևորեց նրանց ակտիվությունը, հետաքրքիր գաղափարների առաջադրումը՝ նշելով, որ համատեղ ուժերով հնարավոր կլինի դրանք իրականություն դարձնել:
-Ես այն համոզմունքն ունեմ, որ մարզի երիտասարդությունը մեծ պոտենցիալ ունի, թեև կաշկանդված է որոշ կարծրատիպերով: Մեր նպատակը պետք է լինի նաև ձերբազատվել դրանցից, առողջ գաղափարներ առաջադրել և կյանքի կոչել,- ասաց Ա. Ղուկասյանը:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:54:09