Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԴՊՐՈՑԱԿԱՆՆԵՐԸ ՀԵՌԱՑԱՆ ՎԱՌ ՏՊԱՎՈՐՈՒԹՅՈՒՆՆԵՐՈՎ

19.11.2019

Մարզպետ Անդրեյ Ղուկասյանին «Մեկ օր Լոռու մարզպետի հետ» ծրագրի շրջանակներում այսօր ողջ աշխատանքային օրվա ընթացքում ընկերակցեցին Վանաձորի թիվ 11 ավագ դպրոցի 12-րդ դասարանի աշակերտ Լևոն Խառատյանը ու Մաթեմատիկայի և բնագիտական առարկաների խորացված ուսուցմամբ «Էվրիկա» հատուկ դպրոցի 10-րդ դասարանի աշակերտուհի Միլենա Կիրակոսյանը: Օրն ամփոփվեց մարզի ղեկավարի աշխատասենյակում՝ թեյախմության սեղանի շուրջ: Ներկա էր նաև մարզպետի տեղակալ Գայանե Մարկոսյանը: Երեխաները կիսվեցին իրենց տպավորություններով՝ միաժամանակ խոստովանելով, որ մարզի ղեկավարի աշխատանքային գրաֆիկը բավականին հագեցած էր ու ծանրաբեռնված: Նրանք նշեցին, որ ընտրել են բժշկի մասնագիտությունը, թեև ապագայում չեն բացառում նաև ղեկավար պաշտոններ զբաղեցնելու հավանականությունը: Մարզի ղեկավարը և փոխմարզպետը երեխաներին մաղթեցին բոլոր նպատակների իրականացում: Դպրոցականները Լոռու մարզպետարանից հեռացան ոչ միայն վառ տպավորություններով այլև նվերներով:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:54:09