Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԻՄ 23-ՐԴ ԱՄՅԱԿԻ ԿԱՊԱԿՑՈՒԹՅԱՄԲ

08.11.2019

  Հարգելի՛ գործընկերներ` Լոռու մարզի համայնքների ղեկավարներ և ավագանու անդամներ, համայնքապետարանների աշխատակազմերի և համայնքային ենթակայության կազմակերպությունների աշխատակիցներ,
ջերմորեն շնորհավորում եմ Ձեզ՝ տեղական ինքնակառավարման մարմինների կազմավորման 23-րդ ամյակի առթիվ:
Անցած ժամանակահատվածը եղել դժվարությունների հաղթահարման, ինչու չէ նաև՝ ձեռքբերումների ընթացք՝ հնարավորություն տալով սեփական սխալների վրա սովորելու ու կայանալու: Թավշյա հեղափողությունը արմատապես նոր որակ և աշխատաոճ է առաջադրել տեղական ինքնակառավարմանը:
Լինելով կառավարման համակարգի կարևորագույն բաղկացուցիչ, ՏԻՄ-ը կոչված է լուծելու պետական կառավարման և տեղական ինքնակառավարման ներդաշնակեցման կարևորագույն խնդիր` պետությունն իբրև գործընկեր ունենալու համար: Տեղական ինքնակառավարումը կարևորագույն հնարավորություն է քաղաքացիների համար մասնակից դառնալու սեփական համայնքի, այդ կերպ նաև՝ երկրի զարգացման գործընթացին, իրացնելու իրենց իրավունքները, ապահովելու մասնակցությունը հիմնարար հարցերին լուծում գտնելու գործընթացներում, զարգացնելու ինքնակազմակերպումն ու նախաձեռնողականությունը:
Հարգելի՛ գործընկերներ, այսօր մեզ համար առաջնային է ունենալ առավել կենսունակ ու ֆինանսապես կայուն համայնքներ, տեղական մակարդակում թափանցիկ և արդար կառավարում, հասնել նրան, որ բնակչությունն իր կենսագործունեության համար առաջնային խնդիրները կարողանա լուծել հենց տեղերում` տեղական ինքնակառավարման մարմինների հետ համագործակցաբար:
Մեր միասնական և վերջնական նպատակը պետք է լինի ուժեղ և կազմակերպված համայնք ունենալը:
Եվս մեկ անգամ շնորհավորում եմ բոլորիս Տեղական ինքնակառավարման օրվա կապակցությամբ՝ տեղական իշխանությունների աշխատակիցներին մաղթում բարեկեցություն, հաստատակամություն, նորանոր հաջողություններ իրենց իրավասություններն իրականացնելու գործում:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-19 17:37:23