Տեղեկատվական կենտրոն
Նորություններ
ԱՆԴՐԵՅ ՂՈՒԿԱՍՅԱՆ ԻՐԱՎԱԳԻՏԱԿԻՑ, ՊԱՀԱՆՋԱՏԵՐ ՈՒ ՊԱՏԱՍԽԱՆԱՏՈՒ ՍԵՐՈՒՆԴ ՈՒՆԵՆՔ ԵՎ ՀԵՆՑ ՆՐԱՆՑ ՀԵՏ ԷԼ ԶԱՐԳԱՑՆԵԼՈՒ ԵՆՔ ՄԵՐ ՄԱՐԶԸ՝ ՄԵՐ ԼՈՌԻՆ
07.11.2019
![](http://lori.mtad.am/files/n_pics/22865_s.jpg)
ԱՄՆ դեսպանության ժողովրդավարության հանձնաժողովի փոքր դրամաշնորհների ծրագրի շրջանակներում Վանաձորի «Օրրան» բարեգործական կազմակերպությունն իրականացնում է «Երիտասարդները հանուն համայնքի զարգացման» ծրագիրը:
Լոռու մարզպետ Անդրեյ Ղուկասյանի հետ ծրագրի մասնակիցների հանդիպումը առավել քան ջերմ էր:
Նախ կենտրոնի աշխատակից Մանանա Մանանյանը ներկայացրեց ծրագիրը, որի նպատակն է բարձրացնել Լոռու մարզի գյուղական համայնքների 16-30 տարեկան երիտասարդների նախաձեռնողականությունն ու քաղաքացիական ակտիվությունը՝ նրանց ներգրավելով համայնքների կյանքի բարելավմանն ուղղված գործընթացներում: Ծրագիրն իրականացվում է մարզի 10 համայնքներում: Լոռու մարզպետի միջնորդությամբ ծրագրի ղեկավարները հանդիպել են համայնքների ղեկավարների հետ, տեղերում ստեղծել աշխատասենյակներ և իրականացրել դասընթացներ՝ մասնակիցներին սովորեցնելով ամենատարբեր հմտություններ:
Մարզպետ Անդրեյ Ղուկասյանը նախ խոսեց ծրագրի կարևորության և հատկապես երիտասարդների մասնակցության մասին: Հենց նրանց ակտիվ դերակատարման շնորհիվ իրականացված փոփոխությունները եկան հիշեցնելու, որ առողջ ու առաջադեմ գաղափարներով օժտված երիտասարդները կարող են փոխել իրենց միջավայրը, իրենց երկիրն ու ողջ աշխարհը՝ հասարակական-քաղաքական կյանքի վրա դրոշմելով իրենց լուսավոր կնիքը:
Մարզի ղեկավարին երիտասարդներն ուղղեցին տասնյակ հարցեր, որոնք առնչվում էին կյանքի գրեթե բոլոր ոլորտներին: Անդրեյ Ղուկասյանը ուրախությամբ փաստեց, որ մարզում իրավագիտակից, պատասխանատու ու պահանջատեր սերունդ ունենք և հենց այդ առաջադեմ երիտասարդների հետ էլ անցնելու ենք մարզի զարգացման դժվարին ճանապարհներով: