Լոռու մարզպետի աշխատակազմ

Նոյեմբերի 28-ին «Հայաստան» համահայկական հիմնադրամը կանցկացնի ազգային նվիրատվության 22-րդ հեռուստամարաթոնը՝ «Ես իմ անուշ Հայաստանին. կենարար ջուր և արև համայնքներին» խորագրի ներքո, որն ուղիղ հեռարձակմամբ կմեկնարկի Հայաստանի հանրային հեռուստաընկերությամբ ժամը 22.00-ին: 12-ժամյա համահայկական միջոցառման առաջին 4 ժամն այս տարի կանցկացվի Երևանում, իսկ հաջորդ 8 ժամը կհեռարձակվի Լոս Անջելեսից:
«Հեռուստամարաթոն-2019»-ի ընթացքում հավաքված միջոցները կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում, ինչպես նաև Հայաստանի երեք մարզերում՝ Տավուշ, Լոռի և Շիրակ: Ընդհանուր առմամբ հարյուրից ավելի համայնքներ կդառնան ծրագրերի շահառուներ և կապահովվեն շուրջօրյա ջրամատակարարմամբ, անվճար ջեռուցմամբ ու էլեկտրաէներգիայով:
Կոչ ենք անում Լոռու մարզի բնակչությանը մասնակցելու համահայկական դրամահավաքին:
Մանրամասներին կարելի է ծանոթանալ www.himnadram.org կայքում:
Նվիրատվությունները կարելի է կատարել հետևյալ բանկային հաշվեհամարներով.
Բանկ՝ ՀՀ Կենտրոնական բանկ
Հաշվեհամար՝ 103003215672
Հաշվեհամար 103003615673
SWIFT CBRAAM22
ՀՎՀՀ 02507456