Տեղեկատվական կենտրոն
Նորություններ
Ա. Ղուկասյան «Խոնարհվում եմ Ձեր առջև, Ձեր անգնահատելի վաստակի առջև, համբուրում եմ Ձեր ձեռքերը, սիրելի՛ ուսուցիչներ»
21.10.2019
Լոռու մարզպետ Անդրեյ Ղուկասյանի նախաձեռնությամբ և մարզպետարանի կրթության, մշակույթի և սպորտի վարչության կողմից մարզի հանրակրթական դպրոցներում աշխատած կենսաթոշակային տարիքի և վաստակած հանգստի մեկնող շուրջ 140 ուսուցիչներին՝ ի նշան հարգանքի ու երախտագիտության փոխանցվում են մարզպետի շնորհակալագրերը:
Վանաձորի թվով 44 կենսաթոշակային տարիքի ուսուցիչներին նվիրված մեծարանքի միջոցառում էր կազմակերպվել Լոռու մարզային գրադարանում:
Նրանց իր երախտագիտությունը հայտնելու նպատակով մարզի ղեկավարն անձամբ էր եկել:
-Խոնարհվում եմ Ձեր առջև, Ձեր անգնահատելի վաստակի առջև, համբուրում եմ Ձեր ձեռքերը, սիրելի՛ ուսուցիչներ: Դուք մանկավարժների այն սերունդն եք, որն անցել է անմարդկային դժվարությունների միջով՝ կրթելով ու դաստիարակելով մեզ՝ երկրաշարժի, արցախյան պատերազմի ու հաջորդող հետագա ամենադժվարին տարիներին՝ հայրենիքին տալով հերոսներ, բժիշկներ, գիտանականներ, մանկավարժներ: Ու այդ ամենով հանդերձ մեկ պահ անգամ չեք տրտնջացել՝ Ձեր աշխատանքը կատարելով՝ որպես սրբազան պարտականություն,-ասաց մարզի ղեկավարը՝ վստահություն հայտնելով, որ նրանք իրնեց գիտելիքները կծառայեցնեն հասարակական ոլորտներում, կկրթեն ու կդաստիարակեն թոռնիկներին:
Մարզի ղեկավարը նրանց հանձնեց շնորհակալագրեր և ծաղկեփնջեր: Ուսուցիչներին նվիրված նաև գրական-երաժշտական գեղեցիկ միջոցառում էր կազմակերպվել: