Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՑՈՒՑԱՀԱՆԴԵՍ ՌՈՒՍ ՄԵԾԱՆՈՒՆ ԳՐՈՂԻ ՀԻՇԱՏԱԿԻՆ
17.10.2019
Ռուս բանաստեղծ, դրամատուրգ, արձակագիր և նկարիչ Միխայիլ Լերմոնտովի ծննդյան 205-ամյակի կապակցությամբ Լոռու մարզի Լերմոնտովո համայնքի միջնակարգ դպրոցում կազմակերպվել էր ցուցահանդես, որին ներկա էին ՀՀ-ում ՌԴ արտակարգ և լիազոր դեսպան Սերգեյ Կոպիրկինը, Լոռու մարզպետի տեղակալ Գայանե Մարկոսյանը, կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, դեսպանատան աշխատակիցներ, կազմակերպությունների ներկայացուցիչներ, հյուրեր:
Ցուցահանդեսը բաղկացած էր երկու հատվածից՝ «Лермонтов и Врубель» և «Их знал Лермонтов»: Ցուցանմուշները բերվել էին Ռուսաստանի Դաշնության մշակույթի նախարարության «ТАРХАНЫ» Լերմոնտովյան պետական արգելոց-թանգարանից: Ցուցահանդեսը դպրոցում կներկայացվի մինչև նոյեմբերի 15-ը:
Գայանե Մարկոսյանը կարևորեց ռուսական մշակույթի երախտավորներին նվիրված ցուցադրությունների և այլ միջոցառումների կազմակերպումը, որին ոչ միայն հաղորդակցվում են Լերմոնտովոյում բնակվող մալոկանները, այլև՝ հայ դպրոցականները:
