Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզում ներդրվեց հողի մշակման նոր՝ անվար ցանքի տեխնոլոգիան
11.10.2019
«Կանաչ էներգիա» ՍՊԸ հիմնադիր, ֆերմեր Արթուր Գրիգորյանի կողմից Լոռու մարզի Միխայելովկա բնակավայրի վարչական տարածքում ներդրվել է հողի մշակման նոր՝ անվար ցանքի տեխնոլոգիա: Համայնքում հիմնված անվար ցանքի տեխնոլոգիայի ներկայացման նպատակով ցուցադրություն էր կազմակերպվել դաշտում, որին ներկա էին մարզպետարանի գյուղատնտեսության և բնապահպանության վարչության պետի պաշտոնակատար՝ Արտյոմ Շահվերդյանը, գյուղատնտեսության բաժնի մասնագետ՝ Արշակ Բաղդասարյանը, համայնքների ղեկավարներ, բնակիչներ, ֆերմերներ: Մարզպետարանի ոլորտի պատասխանատուները նշում են, որ մարզում այն ոչ միայն եզակի է իր հողամշակման եղանակով, այլև, չնայած իր բարձր արժեքին, եկամտաբեր: Նոր տեխնոլոգիայի ներդրմամբ՝ 1 հա մշակելիս գյուղացին միջին հաշվով կտնտեսի մի քանի անգամ ավելի գումար: Այն նախատեսված է ինչպես ոռոգելի, այնպես էլ՝ չոռոգվող հողատարածքների համար: Տվյալ տեխնիկայի կիրառումը կհանգեցնի հողի բարելավման և բարձր բերքատվության, իսկ թեք հողատարածքներում այն կբացառի հողի հոսքը:
-Տեխնիկայի համար հարկավոր չէ հողի վար, կուլտիվացիա կամ հարթեցում, այս բոլոր գործողությունները մեքենան փոխարինում է ցանքով,- ասում է Արթուր Գրիգորյանը:
Ոլորտի պատասխանատուները կարևորում են գյուղատնտեսության ոլորտում նման տեխնոլոգիաների ներմուծումը, որը ժամանակի հրամայակն է:
