Տեղեկատվական կենտրոն
Նորություններ
Մարզի ղեկավարը Աշոտ Փանոյանին շնորհակալություն հայտնեց երկարամյա ու բարեխիղճ աշխատանքի համար
09.10.2019
![](http://lori.mtad.am/files/n_pics/22481_s.jpg)
Լոռու մարզպետ Անդրեյ Ղուկասյանն այսօր իր երախտագիտությունն ու ջերմ բարեմաղթանքները հղեց մարզպետարանի քաղաքաշինության վարչության գլխավոր մասնագետ Աշոտ Փանոյանին՝ ծննդյան 65-րդ տարեդարձի առթիվ՝ վաստակած հանգստի մեկնելուց առաջ:
-Ցավոք աշխատանքի բերումով շատ չեմ կարողացել շփվել Ձեզ հետ, բայց գիտեմ, որ շրջապատը Ձեզ ընկալում է՝ որպես բարի, առաքինի, պարկեշտ ու հայրենասեր անձնավորություն, այդ կերպ եմ ընդունում նաև ես: Մաղթում եմ, որ կենսաթոշակի անցնելը ինչ-որ նոր մտահղացումների սկիզբ դառնա, քանի որ Ձեզ նման մասնագետների կարիք այսօր շատ կա: Մաղթում եմ Ձեզ առողջություն և նորանոր հաջողություններ,-իր խոսքում նշեց մարզի ղեկավարը:
Գնահատանքի խոսքեր հնչեցրեցին նաև մարզպետի խորհրդական Լևոն Ասլանյանը, ով Աշոտ Փանոյանի հետ աշխատել է մարզպետարանի հիմնադրման օրվանից, և համատեղ աշխատանքներ են իրականացրել քաղաքաշինության մի շարք ծրագրերի իրականացման ուղղությամբ, ինչպես նաև քաղաքաշինության վարչության պետ Արմեն Ջանազյանը, ով նույնպես բարձր գնահատեց նրա մասնագիտական կարողություները և մարդկային արժանիքները:
Ա. Փանոյանն իր հերթին շնորհակալություն հայտնեց մարզի ղեկավարին և մյուս գործընկերներին գնահատանքի և բարեմաղթանքների համար.
-Աշխատանքային գործունեության ընթացքում ներդրել եմ իմ ողջ ներուժը, վստահ եմ՝ դուք կարող եք անել շատ ավելին,-ասաց նա՝ պատրաստակամություն հայտնելով այսուհետ ևս իր ուժերի ներածին չափով աջակցելու վարչության աշխատանքներին:
Մարզի ղեկավարը Աշոտ Փանոյանին նաև շնորհակալագիր հանձնեց: