Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Բերքի տոնի» կազմակերպման աշխատանքային խումբը Այգեհատում էր. տոնահանդեսը կտարբերվի նախորդներից
02.10.2019
«Բերքի տոն» մարզային տոնահանդեսին ընդամենը հաշված օրեր են մնացել և միջոցառման կազմակերպչական աշխատանքները բուռ ընթացքի մեջ են: Հոկտեմբերի 1-ին տոնակատարության կազմակերպման աշխատանքային խմբի անդամները՝ խմբի ղեկավար, մարզպետի տեղակալ Գայանե Մարկոսյանի գլխավորությամբ Այգեհատ բնակավայրում էին, որտեղ էլ այս տարի նախատեսվում է անցկացնել տոնակատարությունը:
Տեղանքի ուսումնասիրությունից զատ, հենց տեղում քննարկվեցին մի շարք հարցեր:
-Ամեն ինչ անելու ենք, որ «Բերքի տոնը» թե՛ բովանդակային և թե՛ կազմակերպչական առումով տարբերվի նախորդներից,-նշեց Գ. Մարկոսյանը:
Հիշեցնենք, որ միջոցառումը կանցկացվի հոկտեմբերի 6-ին, ժամը 11.30-ին Օձուն խոշորացված համայնքի Այգեհատ բնակավայրում:
ՍԻՐՈՎ ՀՐԱՎԻՐՈՒՄ ԵՆՔ ԲՈԼՈՐԻՆ:
