Տեղեկատվական կենտրոն
Նորություններ
ՎԱՐՉԱՊԵՏ ՆԻԿՈԼ ՓԱՇԻՆՅԱՆԸ ԼՈՌՈՒ ՄԱՐԶԻ ՋՐԱՇԵՆ ՀԱՄԱՅՆՔՈՒՄ ԷՐ
17.09.2019
![](http://lori.mtad.am/files/n_pics/22109_s.jpg)
ՀՀ վարչապետ Նիկոլ Փաշինյանը Լոռու մարզ այցի շրջանակներում Լոռու մարզպետ Անդրեյ Ղուկասյանի ուղեկցությամբ Ջրաշեն համայնքում մասնակցեց աղետի գոտու բնակարանաշինական ծրագրով կառուցված 3 տների բնակարանամուտի արարողությանը:
Ներկա էին Լոռու մարզպետի տեղակալ Գայանե Մարկոսյանը, մարզպետի խորհրդական Լևոն Ասլանյանը, Քաղաքաշինության պետական կոմիտեի ղեկավար կազմը, Ֆուլեր տնաշինական ընկերության ներկայացուցիչները, պատգամավորներ, համայնքների ղեկավարներ, բնակիչներ:
5, 3 և 2 սենյականոց բնակարանների շահագործմամբ մարզում կառուցված տների թիվը հասավ 21-ի: Եվս 23 կիսակառույցները ավարտին կհասցվեն մինչև 2019 թվականի դեկտեմբերի 1-ը: Ջրաշեն համայնքում 8 բնակարաններից 6-ի կառուցումն արդեն ավատված է:
Օգոստոսի 8-ին ընդունված կառավարության որոշմամբ մարզին հատկացվել է ևս 339 մլն դրամ, որով կկառուցվի 24 բնակարան:
Դատական կարգով իրենց իրավունքները վերականգնած 15 ընտանիք ստացել է 3 մլն դրամի պետական աջակցություն:
Վարչապետը համայնքի բնակիչներին տեղեկացրեց, որ գործընթացը շարունակական է, և տարբերակներ են քննարկվում աղետու գոտու խնդիրը հիմնավորապես լուծելու ուղղությամբ: Մարզի ղեկավարն իր հերթին վստահեցրեց, որ շինաշխատանքները կվերահսկվեն ամենօրյա գրաֆիկով, և աղետից տուժած բնակիչները կստանան որակյալ կացարաններ: