Տեղեկատվական կենտրոն
Նորություններ
Անդրեյ Ղուկասյանը հետևեց մարզում պետական միջոցներով իրականացվող ճանապարհաշինական ծրագրերի ընթացքին
10.09.2019
![](http://lori.mtad.am/files/n_pics/22029_s.jpg)
Այսօր մարզպետ Անդրեյ Ղուկասյանը աշխատանքային օրվա մի մասն անցկացրեց՝ հետևելով մարզում պետական միջոցներով իրականացվող ճանապարհաշինական ծրագրերի ընթացքին:
Մարզպետը նախ եղավ Լեռնապատ համայնքում:
ՀՀ պետական բյուջեի ֆինանսավորմամբ հիմնանորոգվում է Մ3-Լեռնապատ մարզային (տեղական) նշանակության ճանապարհը: Աշխատանքները մեկնարկել են 2018թ.-ին: Հիմնանորոգվող հատվածի երկարությունը կազմում է 4.2 կմ: Ծրագրի արժեքը 129.9 մլն դրամ է: Կապալառու կազմակերպությունն է «Լոռիի ՃՇՇ» ՓԲԸ: Ներկայում կատարվում են սառը վերամշակման եղանակով իրականացվող հիմնատակի ամրացման, ջրահեռացման կազմակերպման և մասնակի ասֆալտապատման աշխատանքներ:
Հաջորդ կանգառը Մ-8՝ Վանաձոր - Դիլիջան միջպետական նշանակության ճանապարհն էր: Այստեղ դարձյալ պետբյուջեի ֆինանսավորմամբ հիմնանորոգվում է շուրջ 20 կմ երկարության ճանապարհահատված: Ծրագրի ընդհանուր արժեքը 1.205 մլրդ դրամ է: Կապալառու կազմակերպություններն են «Լիլիթ-87» և «ԱԱԲ պրոեկտ» ՍՊԸ-ները: Մարզի ղեկավարի այցեության պահին աշխատանքներն ընթացքի մեջ էին: Ներկայում կատարվում են ճանապարհային ծածկույթի ֆրեզերման աշխատանքներ:
Մարզպետ Անդրեյ Ղուկասյանն իր նկատառումները հայտնեց աշխատանքների ընթացքի վերաբերյալ՝ կարևորելով դրանք խիստ որակով և ժամկետներում ավարտին հասցնելու անհրաժեշտությունը: