Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԼՈՌՈՒ ՄԱՐԶՈՒՄ ԷՐ ՎՐԱՍՏԱՆԻ ԴԵՍՊԱՆՈՒԹՅԱՆ ՀՅՈՒՊԱՏՈՍ ՍՈԶԱՐ ԿՎԻՆՉԻԱՆ
30.08.2019
Լոռու մարզպետի տեղակալ Գայանե Մարկոսյանն ընդունեց ճանաչողական այցով Լոռու մարզ ժամանած Վրաստանի Հանրապետության դեսպանության նորանշանակ հյուպատոս Սոզար Կվինչիային: Հանդիպմանը ներկա էր նաև մարզպետի խորհրդական Լևոն Ասլանյանը:
Գայանե Մարկոսյանը ողջունեց նորանշանակ հյուպատոսին, մարզպետ Անդրեյ Ղուկասյանի և իր անունից պատրաստակամություն հայտնեց աջակցելու և համագործակցելու աշխատանքային ամենատարբեր հարցերում՝ հույս հայտնելով, որ առավել թարմ ու առաջադիմական աշխատելաոճի արդյունքում Լոռու մարզը կբազմապատկի բարեկամական ջերմ ու արդյունավետ համագործակցության շրջանակները:
Իր հերթին Սոզար Կվինչիան ընդգծեց իր դրական տրամադրվածությունն ու հատկապես Վրաստանի հետ սահմանակից մարզերի հետ աշխատանքային նորանոր հարաբերությունների ստեղծման տեսլականը:
Զրույցի ընթացքում կողմերը վերահաստատեցին երկու բարեկամ երկրների փոխշահավետ դարավոր համագործակցության կարևորությունն ու այդ հարաբերությունները նոր թափով ու առավել ընդգրկուն կերպով խորացնելու համար ստեղծված նպաստավոր բոլոր նախադրյալները:
-Զբոսաշրջության ոլորտում 110 կմ ընդհանուր սահման ունեցող պետությունները լուրջ հեռանկարներ ունեն: Մեզ մոտ զարգացման կայուն ընթացք են ապահովում նաև տեղեկատվական տեխնոլոգիաների ոլորտի մասագետներն ու ընկերությունները: Ձեռք բերված փորձն ու գիտելիքները մենք պատրաստ ենք կիսելու բարեկամ ժողովրդի համապատասխան մասնագետների հետ: Առաջիկայում նաև հնարավոր ենք համարում խոսել ներդրումային ծրագրերի շուրջ: Մեր կողմից ներկայացվող բազմաթիվ ծրագրեր, վստահ ենք, ուշադրության կարժանանան վրաց գործարարների կողմից ևս, -իր խոսքում նշեց մարզպետի տեղակալը:
Ներկայացվեց նաև հեռանկարային մի շարք այլ ոլորտներում արդեն ձևավորված գործընկերային հարաբերությունների փաստն ու դրանք խորացնելու տարբեր ուղղությունները:
Ճանաչողական փուլից հետո պայմանավորվածություն ձեռք բերվեց հերթական հանդիպումը կազմակերպել աշխատանքային միջավայրում և աշխատելու տրամադրվածությամբ:
