Տեղեկատվական կենտրոն
Նորություններ
ՀԱՆՔԱՎԱՆԻ «ԼՈՒՍԱԲԱՑ» ՃԱՄԲԱՐՈՒՄ ՀԱՆԳՍՏԱՆՈՒՄ ԵՆ ՆԱԵՎ ԼՈՌԵՑԻ ԵՐԵԽԱՆԵՐԸ
13.08.2019
![](http://lori.mtad.am/files/n_pics/21684_s.jpg)
Լոռու մարզի 390 դպրոցականներ ՀՀ կառավարության կողմից իրականացվող դպրոցականների ամառային հանգստի կազմակերպման ծրագրի շրջանակներում 2019 թ. իրենց հանգիստն անցկացրեցին ամառային ճամբարներում: Հանգիստը կազմակերպվեց երեք հերթափոխով, յուրաքանչյուր հերթափոխը՝ 20 օր տևողությամբ: Ծրագրում ընդգրկված են զոհված, հաշմանդամ դարձած զինծառայողների, ծնողազուրկ, սակավ ապահովված, բազմազավակ ընտանիքների դպրոցահասակ 7-13 տարեկան երեխաներ:
Լոռու մարզպետ Անդրեյ Ղուկասյանը և մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը օգոստոսի 13-ին մեկնեցին Հանքավանի «Լուսաբաց»
Ճամբար՝ այնտեղ վերջին հերթափոխով հանգստացող 120 լոռեցի աշակերտներին տեսակցելու և նրանց առօրյային մոտիկից ծանոթանալու համար:
Ճամբարի ղեկավարի ուղեկցությամբ մարզպետը շրջեց ճամբարի տարածքում, եղավ մասնաշենքերում և ճաշարանում: Ի պատիվ մարզի ղեկավարի՝ երեխաները ներկայացան ճամբարական զեկույցներով, հնչեցրեցին իրենց կարգախոսը:
Մարզպետ Անդրեյ Ղուկասյանը ողջունեց ճամբարականներին, ուրախությամբ նշեց, որ կառավարության կողմից իրականացվող ծրագիրը լավ հնարավորություն է ամառային արձակուրդներն ակտիվ հանգստի պայմաններում անցկացնելու, նոր գիտելիքներով զինվելու և ընկերներ ձեռք բերելու առումով: Նա իր երախտագիտությունը հայտնեց նաև ճամբարի ղեկավարությանը՝ երեխաների հանգիստը լիարժեք կազմակերպելու, նրանց առօրյան գունազարդելու և հասարակության լիարժեք քաղաքացիներ ձևավորելու համար:
Վերջին հերթափոխի 120 աշակերտները Լոռի կվերադառնան օգոստոսի 15-ին: