Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Հավանության է արժանացել ևս 6 ծրագիր. այս տարի միայն սուբվենցիոն միջոցներով Լոռու մարզում կիրականացվեն շուրջ 2.3 մլրդ դրամ ընդհանուր արժողությամբ ծրագրեր

17.07.2019

2019 թ. ՀՀ պետական բյուջեից համայնքներին տրամադրվող սուբվենցիաներ ստանալու համար Լոռու մարզի թվով 25 համայնք ներկայացրել էր 60 ծրագրային հայտ: Հայտերի ներկայացման սկզբնական փուլում 6 ծրագիր տարբեր պատճառներով դուրս է մնացել ոլորտային մարմիններում հետագա քննարկման ենթակա ցանկից` ոչ նպատակահարմար լինելու կամ համայնքի կողմից հրաժարվելու պատճառով: Մնացած 54 ծրագիրը` ընդհանուր մոտ 2,3 մլրդ դրամ նախնական արժեքով, սահմանված ժամկետում և կարգով ներկայացվել է Տարածքային կառավարման և ենթակառուցվածքների նախարարություն:
Հուլիսի 11-ին փոխվարչապետ Տ. Ավինյանի մոտ կայացած նիստի ընթացքում սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի ընթացիկ նիստին քննարկվել և հավանության է արժանացել մարզի համայնքների կողմից ներկայացված ևս 6 ծրագիր: Այսպիսով, հաստատված ծրագրերի ընդհանուր թիվը ներկայում 51-ն է.

1. Մեծավան համայնքի «Մանկապարտեզի տարածքի բարեկարգում». նախահաշվային արժեքը` 25.006.820 դրամ:
2. Տաշիր համայնքի «Մարզադպրոցի վերանորոգման և գույքի ձեռքբերման ծրագիր». նախահաշվային արժեքը` 12.382.280 դրամ:
3. Սարահարթ համայնքի «Խմելու ջրի ցանցի բարելավում» նախահաշվային արժեքը` 9.201.300 դրամ:
4. Դսեղ համայնքի «Փողոցների գիշերային լուսավորության անցկացում»` նախահաշվային արժեք` 12.772.630 դրամ,
5. Թումանյան համայնքի «Լորուտ բնակավայրի խմելու ջրի ներքին ցանցի հիմնանորոգում». նախահաշվային արժեք` 14.300.000 դրամ,
6. Ջրաշեն «Համայնքի փողոցների վերակառուցման աշխատանքներ». նախահաշվային արժեք` 56.543.090 դրամ:
Մինչ այս հաստատված ծրագրերի ցանկին կարելի է ծանոթանալ հետևյալ հղումով՝
https://www.facebook.com/permalink.php?story_fbid=501895253915857&id=244085213030197&__tn__=K-R:

 

 

 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-09-13 17:41:47