Տեղեկատվական կենտրոն
Նորություններ
Ճամբար մեկնեց դպրոցականների առաջին հերթափոխը
19.06.2019
Այսօր վաղ առավոտյան Հանքավանի «Լուսաբաց» ճամբար մեկնեց մարզի դպրոցականների առաջին հերթափոխը՝ 100 երեխա:
Լոռու մարզի դպրոցականները 2019 թ. ամառային ճամբարներում իրենց հանգիստը կանցկացնեն ՀՀ կառավարության կողմից իրականացվող դպրոցականների ամառային հանգստի կազմակերպման ծրագրի շրջանակներում: Վերջինս իրականացվում է երեք հերթափոխով, յուրաքանչյուր հերթափոխը՝ 20 օր տևողությամբ: Ծրագրում ընդգրկված են զոհված, հաշմանդամ դարձած զինծառայողների, ծնողազուրկ, սակավ ապահովված, բազմազավակ ընտանիքների դպրոցահասակ 7-13տարեկան երեխաներ:
Երեխաներին բարի ճանապարհ մաղթեց Լոռու մարզպետարանի կրթության, մշակույթի և սպորտի վարչության կրթության բաժնի պետ Գարիկ Տոնոյանը: Նրանց դեպի ճամբար ուղեկցեց վարչության գլխավոր մասնագետ Անահիտ Բարոյանը: Նրա տեղեկացմամբ, ծրագրի շրջանակներում այս տարի կհանգստանա ընդհանուր 390 լոռեցի դպրոցական: