Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջոցառում՝ նվիրված Ա.Ս. Պուշկինի 220-ամյակին
10.06.2019
Գյումրիում գործող Գիտության և մշակույթի կենտրոնի, «Ռուսաստանի բարեկամներ» հասարակական կազմակերպության Վանաձորի մասնաճյուղի և Լոռու մարզային գրադարանի աշխատակիցների ջանքերով գեղեցիկ միջոցառում էր կազմակերպվել Լոռու մարզային գրադարանում՝ նվիրված Ալեքսանդր Պուշկինի ստեղծագործական կյանքին ու գրական ժառանգությանը:Միջոցառմանը ներկա էին մարզպետի տեղակալ Գայանե Մարկոսյանը, մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը, միջոցառման կազմակերպիչները, բազմաթիվ հյուրեր:
Հայ և ռուս ժողովուրդների դարավոր բարեկամությունն իր արտացոլումն է ունեցել ինչպես քաղաքական, գիտական ու հասարակական կյանքում, այնպես էլ՝ մշակույթի բնագավառում: Հաճախ են երկու ժողովուրդների երկու ստեղծագործողներին իրենց մտածողությամբ ու գաղափարական բովանդակությամբ համեմատել միմյանց հետ: Մասնավորապես ձևավորված տեսակետ կա, որ Ամենայն Հայոց բանաստեղծը՝ Հովհաննես Թումանյանը և ռուս գրականության գագաթներից մեկը համարվող Ալեքսանդր Պուշկինը երկու երկրների գրականության ասպարեզի անվիճելի հսկաներն են:Այս տարի լրանում է Հովհաննես Թումանյանի ծննդյան 150 և Ա.Ս Պուշկինի ծննդյան 220-ամյակը:
Միջոցառումն ամբողջությամբ հագեցած էր պուշկինյան շնչով. ասմունք, երգ, ինչպես ռուսերեն լեզվով, այնպես էլ՝ ստեղծագործությունների հայերեն թարգմանություններով: Ներկաները մեծ բավականություն ստացան միջոցառումից:
