Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
4-7-րդ դասարանցիների միջև անցկացվեց «Սպորտլանդիա» մարզական միջոցառման եզրափակիչ փուլը՝ նվիրված մայիսյան տոներին
15.05.2019
Մայիսի 14-ին «Հայաստան» մարզական հասարակական կազմակերպության Վանաձորի քաղաքային մասնաճյուղի մարզահամալիրում անցկացվեց «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 4-7-րդ դասարանցիների միջև անցկացվող «Սպորտլանդիա» մարզական միջոցառման եզրափակիչ փուլը: Եզրափակչին մասնակցեցին առաջին տեղերը գրաված դպրոցները:
ՀՀ մարզերից, Երևան քաղաքից և Արցախի Հանրապետությունից ժամանած թիմերի 120 երեխաներ իրենց ուժերը չափեցին խաղային փոխանցավազք, փոխանցավազք արգելքների հաղթահարումով, փոխանցավազք մարմնամարզական օղակներով, խաղային փոխանցավազք և «Օլիմպիական խորհրդանիշի հավաքում» մրցաձևերում:
Մրցույթի մասնակիցներին ողջունեց և հաջողություն մաղթեց Լոռու մարզպետ Անդրեյ Ղուկասյանը:
Թեժ մրցապայքարի արդյունքում ՀՀ սպորտի և երիտասարդության հարցերի նախարարության շնորհակալագրերով և մարզագույքով պարգևատրվեցին 4-ից 12-րդ տեղեր գրաված թիմերը:
Մրցանակային 3-րդ(Կոտայքի մարզ), 2-րդ(Արարատի մարզ) և 1-ին (Շիրակի մարզ) տեղեր գրաված հաստատությունները պարգևատրվեցին ՀՀ սպորտի և երիտասարդության հարցերի նախարարի համապատասխան կարգի հավաստագրերով, մեդալներով, գավաթներով և դրամական մրցանակներով մարզագույք ձեռք բերելու նպատակով:
