Լոռու մարզպետի աշխատակազմ

Լոռու մարզպետարանի դահլիճում անցկացվեց ՀՀ Լոռու մարզում վիրուսային, մասնավորապես՝ արտաընդերային ճանապարհով փոխանցվող հեպատիտների կանխարգելման մասնագիտական հանձնաժողովի նիստը:

Հանձնաժողովը ձևավորվել է դեռևս 2015թ.-ին մարզպետի համապատասխան որոշմամբ և յութաքանչյուր եռամսյակ նիստեր է գումարում ոլորտում առկա խնդիրների քննարկման նպատակով:

Նիստը վարում էր հանձնաժողովի նախագահ, Լոռու մարզպետարանի առողջապահության և սոցիալական ապահովության վարչության պետի պաշտոնակատար Արթուր Մխիթարյանը:

Մասնակցում էին վարչության պատասխանատու աշխատակիցներ, ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի «Լոռի» մասնաճյուղի տնօրեն Ա.Հովհաննիսյանը, Առողջապահական և աշխատանքի տեսչական մարմնի հյուսիսային տարածքային կենտրոնի համաճարակաբան Ա. Մեհրաբյանը և մարզի բժշկական կենտրոնների տնօրենները:

Նիստի ընթացքում ներկայացվեց 2018 թվականին ՀՀ-ում, մասնավորապես, Լոռու մարզում արձանագրված արտաընդերային ճանապարհով փոխանցվող հեպատիտներով հիվանդացության վերլուծությունը և հետագա կանխարգելման միջոցառումների իրականացման անհրաժեշտության հետ կապված խնդիրը:

          Ա. Մխիթարյանը մասնավորապես ներկայացրեց Լոռու մարզում վիրուսային, մասնավորապես արտաընդերային ճանապարհով փոխանցվող հեպատիտների կանխարգելման մասնագիտական հանձնաժողովի կազմը, գործունեության ծրագիր – աշխատակարգը, նպատակները, խնդիրները և աշխատանքների կազմակերպման գործընթացը: Ըստ առկա տվյալների ներկայացվեցին հիվանդության առավել հաճախ հանդիպող պատճառները, հիվանդության տարածվածությունը՝ ըստ սեռի և տարիքի  և այլն: Մասնակիցների կողմից քննարկվեցին վիրուսային հեպատիտների կանխարգելման նպատակով առողջապահական ընկերություններում իրականացվող կանխարգելիչ միջոցառումները, բնակչությանը ժամանակին, արդյունավետ և անվտանգ բժշկական օգնության տրամադրման և իրազեկվածության բարձրացման անհրաժեշտության վերաբերյալ հարցեր: Առաջարկվեց վիրուսային, մասնավորապես` արտաընդերային ճանապարհով փոխանցվող հեպատիտների կանխարգելման և ախտորոշման գործընթացը կազմակերպել ՀՀ առողջապահության նախարարի 23.12.2015 «Վիրուսային հեպատիտներ Բ-ի, Ց-ի համակցված համաճարակաբանական հսկողություն» N-3.1.1 -030- 2015 ՍԿ սանիտարական կանոնները և հիգենիկ նորմերը հաստատելու մասին» թիվ 59 - Ն հրամանով հաստատված սանիտարական կանոններին և հիգենիկ նորմերին համապատասխան, բարձրացնել բուժկանխարգելիչ բժշկական կազմակերպություններում սանիտարա-հակահամաճարակային ռեժիմի որակը՝ ըստ գործող հրամանների և մեթոդական ուղեցույցների, բարձրացնել հեպատիտ Բ-ի դեմ պատվաստումների ընդգրկվածությունը ռիսկի խմբի և ընդհանրապես բնակչության շրջանում: