Տեղեկատվական կենտրոն
Նորություններ
Մարզի ղեկավարը բարձր գնահատեց «Լուդինգ ֆորվարդ» հիմնադամի կողմից իրականացված ծրագրերի արդյունավետությունը
27.03.2019
![](http://lori.mtad.am/files/n_pics/19674_s.jpg)
Մարզպետ Անդրեյ Ղուկասյանն աշխատանքային այցով եղավ Ալավերդի համայնքում, ուր համայնքի ղեկավար Սասուն Խեչումյանի ուղեկցությամբ հյուրընկալվելով Միկոյան եղբայների տուն- թանգարանում:
Վերջինս 2016թ.-ին 3 տարի ժամկետով անհատույց տրամադրվել է «Լուդինգ ֆորվարդ» հիմնադամին, որը թանգարանում իրականացրել է վերանորոգման, Միկոյան եղբայրների կյանքն ու գործունությունը ներկայացնող նյութերի նորովի մատուցման տեխնոլոգիաների, զբոսաշրջային ծրագրերի ներդրման տարաբնույթ աշխատանքներ՝ ընդհանուր առմամբ ներդնելով ավելի քան 200 մլն դրամ: Այս ամենը մարզի ղեկավարին ներկայացրեց հիմնադրամի տնօրեն Անդրեա Ուայթը՝ պատմելով,որ ծրագրի մասին մտահղացել է այն ժամանակ, երբ շուրջ 6 տարի առաջ՝ որպես զբոսաշրջիկ այցելել է թանգարան և անգլերեն լեզվով որևէ բացատրական ցուցանակ չի գտել այստեղ տեղ գտած ցուցանմուշների մասին տեղեկատվություն ստանալու համար: Նա մարզպետին հայտնեց նաև, որ ծրագրի շրջանականեւոմ որպես գիդ-ուղեկցորդ վերապատրաստել են 30-ից ավելի երիտասարդների, որոնցից 5-ն այժմ աշխատում են թանգարանում: Անդրեան մարզի ղեկավարին ներկայացրեց նաև պայմանագրի ժամկետները երկարաձգելու անհրաժեշտությունը՝ վստահեցնելով, որ դեռևս բազմաթիվ ծրագրեր ունեն կյանքի կոչելու: Թանգարանը վնասներով աշխատող կառույցից, որի պահպանության համար յուրաքանչյուր տարի ծախսեր էին պահանջում, այժմ իրականացված ծրագրերի միջոցով աշխատում է շահույթով՝ համայնքային բյուջե վճարելով տարեկան շուրջ 2 մլն դրամ: Ըստ Անդրեայի, հայտնի տուրիստական կայքերից մեկի գնահատմամբ Միկոյան եղբայրների տու-թանգարանը ճանաչվել է Հայաստանի լավագույն մարզային թանգարան, իսկ Հայաստանի մասշտաբով 7-րդ հորիզոնականում է:
Մարզպետը ողջունեց հիմնադրամի գործունեությունը, բարձր գնահատեց իրականացված ծրագրերի արդյունավետությունը՝ նշելով, սակայն, որ պայմանագրի երկարաձգման հարցը պետք է դրվի հանրային քննարկման, այնուհետ հաստատվի ավագանու կողմից: Ա. Ղուկասյանը վստահեցրեց նաև, որ իր գործունեությամբ կանի հնարավորը մարզի զբոսաշրջային պոտենցիալը բարձրացնելու, զբոսաշրջիկների համար հարմարավետ և գրավիչ միջավայր ստեղծելու համար: