Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզում իրականացվող վիրաբուժական ծառայություններն արժանացան բարձր գնահատականի
13.03.2019
Վանաձորի բժշկական կենտրոնում հրավիրված խորհրդակցությանը մասնակցում էին ՀՀ առողջապահության նախարարության բշկական օգնության քաղաքականության վարչության պետ Դավիթ Մելիք-Նուբարյանը, նախարարի ընդհանուր վիրաբուժության գծով խորհրդատու Սուրեն Ստեփանյանը, սրտաբանական գծով խորհրդատու Համլետ Հայրապետյանը, նախարարի օգնական Հովհաննես Հարությունյանը, Լոռու մարզպետարանի առողջապահության և սոցիալական ապահովության վարչության պետ Արթուր Մխիթարյանը, Լոռու մարզի բժշկական կենտրոնների տնօրենները, վիրաբուժական բաժանմունքների ղեկավարները:
Խորհրդակցության ընթացքում քննարկվեցին Լոռու մարզում բժշկական կենտրոնների վիրաբուժական ծառայությունների որակի, կատարվող վիրահատական միջամտությունների ծավալների, բժշկական կենտրոններում վիրաբուժությանն առնչվող, ինչպես նաև՝ մասնագիտական կադրերով և բուժսարքավորումներով հագեցվածության հետ կապված խնդիրներ:
Նախարարությունից ժամանած պաշտոնյաները բարձր գնահատականի արժանացրեցին Լոռու մարզում իրականացվող վիրաբուժական ծառայությունները: Խորհրդակցության ընթացքում պայմանավորվածություն ձեռք բերվեց պարբերաբար կազմակերպել վիրաբուժական մասնագիտական վերապատրաստումներ և ինչպես պետական, այնպես էլ՝ բժշկական կենտրոնների միջոցներով ձեռք բերել անհրաժեշտ բուժսարքավորումներ:
Քննարկվեց նաև Վանաձորի բժշկական կենտրոնում ինվազիվ սրտաբանական ծառայություն իրականացնելու հարցը: Այդ նպատակով արդեն իսկ իրականացվել է բուժանձնակազմի վերապատարսատում:
