Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սպառողների իրավունքների պաշտպանության միջազգային օրվան նվիրված միջոցառումների շաբաթվա շրջանակներում քննարկում էր կազմակերպվել նաև Լոռու մարզում
11.03.2019
ՀՀ Կառավարությանը ենթակա սննդամթերքի անվտանգության տեսչական մարմնի կողմից մեկնարկել է Սպառողների իրավունքների պաշտպանության միջազգային օրվան նվիրված միջոցառումների շաբաթը, որի շրջանակներում մարտի 7-ին Վանաձորի քաղաքապետարանի դահլիճում անցկացվեց «Սննդամթերքի անվտանգությունն ու սպառողի իրավունքների պաշտպանությունը թեմայով» քննարկում մարզի՝ սննդի շղթայում գործունեություն իրականացնող տնտեսվարողների, պատկան մարմինների, ՀԿ-ների մասնակցությամբ:
Քննարկմանը ներկա էին Լոռու մարզպետ Անդրեյ Ղուկասյանը,Վանաձորի քաղաքապետ Մամիկոն Ասլանյանը, ՀՀ Կառավարությանը ենթակա սննդամթերքի անվտանգության տեսչական մարմնի ղեկավար Գեորգի Ավետիսյանը, «Իրազեկ և պաշտպանված սպառող» ՀԿ նախագահ Բաբկեն Պիպոյանը, ՀՀ ԿԵ ՍԱՏՄ ներկայացուցիչներ, մարզպետարանի վարչությունների մասնագետներ, ՀՈԱԿ-ների տնօրեններ:
Մարզպետ Անդրեյ Ղուկասյանը, ողջունելով ներկաներին, նշեց, որ որպես սպառող և որպես մարզի ղեկավար պատրաստ է աջակցելու սննդի անվտանգության տեսչության աշխատանքներին՝ խթանելով քաղաքացիների իրազեկվածության բարձրացմանը և սպառողների իրավունքների պաշտպանությանը: Նա իր խոսքում կաևորեց նաև նմանատիպ քննարկումների պարբերական կազմակերպման անհրաժեշտությունը:
Զեկույցով հանդես եկան նաև ՀՀ ԿԵ ՍԱՏՄ ղեկավար Գ. Ավետիսյանը և «Իրազեկ և պաշտպանված սպառող» ՀԿ նախագահ Բ.Պիպոյանը:
Ներկայացվեցին սպառողի իրավունքների պաշտպանությանն ուղղված պահանջները, մասնավորապես՝ սննդամթերքի մակնշման, պահման պայմանների ու սանիտարահիգիենիկ նորմերի պահանջները, համապատասխանության գնահատման, ներմուծման և արտահանման ընթացակարգերը, HACCP համակարգի անհրաժեշտությունը, ինչպես նաև գործող նորմատիվ իրավական ակտերն ու դրանց պահանջները, ներառյալ՝ ԵԱՏՄ տեխնիկական կանոնակարգերը:
ՀՀ ԿԵ ՍԱՏՄ սննդամթերքի անվտանգության և որակի տեսչության պետը և մասնագետները խոսեցին նախաձեռնության կարևորության, սպառողների իրավունքների, դրանց իրացման ուղիների մասին, պատասխանեցին սննդամթերքի անվտանգության վերաբերյալ հետաքրքրող հարցերի:
