Լոռու մարզպետի աշխատակազմ

Լոռու մարզպետարանում հունվարի 31-ին տեղի ունեցավ Լոռու մարզային զորակոչային հանձնաժողովի հերթական նիստը, որը վարում էր հանձնաժողովի նախագահ, Լոռու մարզպետ Անդրեյ Ղուկասյանը:

Մարզպետարանի զորահավաքային նախապատրաստության բաժնի պետ Սպարտակ Ղուբաթյանը հանձնաժողովի ուշադրությանը ներկայացրեց պարտադիր զինվորական ծառայության զորակոչից տարկետում տրամադրելու վերաբերյալ 16 գործ, որոնցից հանրակրթական դպրոցներում սովորող՝ 7 քաղաքացի,  «Պատիվ ունեմ» ծրագրով՝ 6 և ընտանեկան խնդիրներ ունեցող 3 քաղաքացի: Ներկայացված գործերը քննարկվեցին առանձին-առանձին և դրանցից 13-ի վերաբերյալ տրվեցին դրական եզրակացություններ, իսկ 3-ի գործ հետաձգվեց՝ փաստաթղթերի համալրման պատճառաբանությամբ: