Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Աշխատանքային խորհրդակցություն

17.12.2018

Այսօր Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը, որին ներկա էին մարզպետի տեղակալներ Արամ Խաչատրյանը, Սերգեյ Սարուխանյանը, Արշակ Հովսեփյանը, մարզպետարանի կառուցվածքային ստորաբաժանումների ղեկավարները, այլ պատասխանատու պաշտոնյաներ:

Փոխմարզպետները և ստորաբաժանումների ղեկավարները հանդես եկան շաբաթվա ընթացքում կատարված աշխատանքների վերաբերյալ համառոտ հաշվետվություններով՝ մասնավորապես անդրադառնալով տարբեր գերատեսչություններից և մարզի ղեկավարի կողմից տրված հանձնարարականների կատարմանը: Անդրադարձ կատարվեց նաև ընթացիկ աշխատանքներին և խնդիրներին:

Մարզպետարանի գլխավոր քարտուղարի տեղակալ Վալերի Խաչատրյանը նշեց, որ շաբաթը բավականին հագեցած է եղել: Նա նշեց, որ տարեվերջով պայմանավորված՝ բավականին շատ գրություններ են ստացվում տարբեր գերատեսչություններից և դիմում-նամակներ՝ բնակիչներից: Ներկայացնելով ստորաբաժանումների ընթացիկ աշխատանքները՝ Վ. Խաչատրյանը վստահեցրեց, որ բոլոր հանձնարարականները կատարվել են ժամկետների մեջ: 
Ֆինանսական և սոցիալ-տնտեսական զարգացման վարչության ֆինանսատնտեսագիտական բաժնի պետ Նունիկ Ասրյանը մասնավորապես տեղեկացրեց, որ տարվա պլանի նկատմամբ մարզը սեփական եկամուտները կատարել է 84,3 տոկոսով, հողի հարկը՝ 76,1 և գույքահարկը՝ 85,6 տոկոսով: Այս ցուցանիշերով ներկայում մարզը հանրապետության մակարդակով մարզերի թվում 6-րդն է: Նա վստահեցրեց, որ ցուցանիշերն աճելու միտում ունեն:

Առողջապահության և սոցիալական ապահովության վարչության պետի պաշտոնակատար Արթուր Մխիթարյանն, ի թիվս այլ հարցերի, մասնավորապես զեկուցեց Կուրթանում բնակվող տարեցի տուն այցելության մանրամասները՝ նշելով, որ դիմել են Լոռու մարզային ոստիկանություն, որպեսզի վերջինս օրենքի շրջանակներում համապատասխան գործողություններ իրականացնի: Վարչության պետի պաշտոնակատարը հայտնեց, որ տարեցի երեխաների՝ ծնողից հրաժարվելու դեպքում միայն հնարավոր կլինի նրան տեղափոխել ծերերի տուն: Մարզպետը հանձնարարեց արագացնել գործընթացը:

Քաղաքաշինության վարչության պետ Արմեն Ջանազյանը հայտնեց, որ հետևողական վերահսկողություն է իրականացվում մարզում թե՛ առաջնահերթ լուծում պահանջող, թե՛ սուբվենցիոն ծրագրերով ընթացող շինաշխատանքների ուղղությամբ: Զեկուցվեց, որ ինտենսիվ կերպով ընթանում են Քարինջի և Վանաձորի թիվ 27 դպրոցների տանիքների նորոգման աշխատանքները:

Ի թիվս մի շարք այլ հարցերի և հանձնարարականների՝ մարզպետը հանձնարարեց հատկապես հետևողական աշխատանքներ իրականացնել առաջիկայում անցկացվելիք բիզնես- ֆորումի ուղղությամբ:

 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:54:09