Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աղետների դիմակայության օր
05.12.2018
1988թ. Սպիտակի երկրաշարժի 30-րդ տարելիցին նվիրված «Աղետների դիմակայության օր» խորագրով հանրապետությունում անցկացվող միջոցառումների շրջանակներում Լոռու մարզային փրկարարական վարչության կողմից այսօր ժամը 11-13-ը Վանաձորի Հայքի հրապարակում անցկացվեց հրշեջ-փրկարարական տեխնիկայի և գույքի ցուցադրություն: Վերջինիս ներկա գտնվեց նաև Լոռու մարզպետի տեղակալ, մարզպետի ժամանկավոր պաշտոնակատար Սերգեյ Սարուխանյանը, մարզպետարանի այլ պատասխանատու պաշտոնյաներ:
Ս. Սարուխանյանը շնորհակալություն հայտնեց ՀՀ Արտակարգ իրավիճակների նախարարությանը, Լոռու մարզի փրկարարական վարչությանը ամենօրյա անձնվեր աշխատանքի համար և հույս հյատնեց, որ չարաբաստիկ աղետներ մեր երկրում այլևս չեն լինի և փրկարարների աշխատանքը կսահմանափակվի միայն ուսումնավարժություններով և ամենօրյա պատրաստականությամբ:
Միջոցառումների շրջանականերում դեկտեմբերի 6-ին, ժամը 11-ին Վանաձորի պետական համալսարանում տեղի կունենա նաև «Ուժեղ երկրաշարժի դեպքում Վանաձորի պետական համալսարանի աշխատակազմի և ուսանողների պաշտպանության միջոցառումների կազմակերպումը և իրականացումը» թեմայով ցուցադրական հատուկ տեխնիկական ուսումնավարժություն:
