Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բժիշկ Հենրիկ Մելքումյանին տարեդարձի առթիվ շնորհավորեց մարզի ղեկավարը
23.11.2018
Ոչ միայն Վանաձորում, այլև հանրապետությունում հայտնի և սիրված, վաստակաշատ բժշկին՝ քիթ-կոկորդ-ականջաբան Հենրիկ Մելքումյանին, իր բնակարանում այցելեց և տարեդարձի առթիվ շնորհավորեց մարզպետ Անդրեյ Ղուկասյանը: Նրան ուղեկցում էին նաև մարզպետարանի այլ պաշտոնյաներ:
Մարզպետը ջերմորեն շնորհավորեց բժշկին, շնորհակալություն հայտեց մարզի առողջապահության ոլորտում ունեցած մեծագույն ավանդի համար՝ նրան հանձնելով շնորհավորագիր և դրամական պարգև:
Հենրիկ Մելքումյանը նշեց, որ մեծ ավյուն ունի, դեռևս աշխատում է Վանաձորի թիվ 2 համաբուժարանում և անգամ կարող է իր ծառայությունները մատուցել Վանաձորի բժշկական կենտրոնում:
Նա հյուրերին ուրախացրեց դաշնամուրային կատարմամբ և կատակով նշեց, որ գործընկերներն իրեն համարում էին բուժաշխատողների մեջ ամենալավ դաշնակահարը և դաշնակահարների մեջ ամենալավ բժիշկը:
Մարզպետը Հ. Մելքումյանին մաղթեց առողջություն և երկարակեցություն:
