Տեղեկատվական կենտրոն
Նորություններ
Չինական «Նյու իդա» ընկերությունը Կաթնաղբյուրում ջրի գործարան կառուցի
16.11.2018
![](http://lori.mtad.am/files/n_pics/18162_s.jpg)
Մարզպետ Անդրեյ Ղուկասյանն այսօր ընդունեց չինական «Նյու իդա» ներդրումային ընկերության տնօրեն Լուո Գանգին, գլխավոր կառավարիչ Աին Ճենփին՝ կազմակերպության կողմից առաջարկվող ներդրումային ծրագրին ծանոթանալու նպատակով:
Կազմակերպության ներկայացուցիչները մարզպետին տեղեկացրեցին, որ իրենց նպատակն է Հայաստանում իրականացնել հանքային ջրերի արդյունահանման ծրագիր: Ջուրն արտահանվելու է բացառապես Չինաստանի ժողովրդական հանրապետություն՝ որպես հայկական լավագույն որակ ունեցող ջուր: Նշվեց, որ հայկական ջուրը բացառիկ ընդունելություն ունի Չինաստանում: Ըստ նրանց, Հայաստանում բազմաթիվ ուսումնասիրություններ են կատարվել, և առաջին գլխավոր քայլը նախատեսել են սկսել Ստեփանավան խոշորացված համայնքի կազմում ընդգրկված Կաթնաղբյուր վարչական տարածքից, որտեղ ջրի հորատանցք կա: Այստեղ հորատանցքին մոտ նախատեսում են կառուցել գործարան: Ճիշտ է՝ մի շարք խնդիրներ կան. ճանապարհի վերանորգման, գազաֆիկացման, հորատանցքի վերանորոգման, այդուհանդերձ վերջնական որոշումը կայացված է: Տնօրենի ներկայացմամբ, ներկայում նախագծանախահաշվային և մի շարք այլ տեխնիկական աշխատանքներ են կատարվում: Գործարանի շինարարությունը կսկսեն արդեն 2019թ. մարտ-ապրիլ ամիսներին: Արդյունքում կկատարվի շուրջ 3-5 մլն ԱՄՆ դոլարի ներդրում, աշխատատեղեր կստեղծվեն, ինչի արդյուքում կբարձրանա նաև համայնքի կենսամակարդակը:
-Նախատեսում ենք հետագայում նաև սոցիալական ծրագրեր իրականացնել համայնքում,-ասացին չինական ընկերության ներկայացուցիչները:
Մարզպետը շնորհակալություն հայտնեց նման ծրագիր մարզում իրականացնելու նախաձեռնության համար և նշեց, որ ամեն կերպ պատրաստ է աջակցություն ցուցաբերել:
«Նյու իդա» ընկերության տնօրենը ևս շնորհակալություն հայտնեց, մարզպետին, համայնքի ղեկավարին պատրաստակամության համար՝ կարևորելով հատկապես ներդրումների աջակցման կենտրոնի՝ «Բիզնես Արմենիայի» մեծ դերակատարությունը՝ օտարերկրյա ներդրումներին աջակցելու համար: