Լոռու մարզպետի աշխատակազմ

 2018թ.-ի մարտի ամսից ՀՀ կառավարությունը մարզերում տնտեսական և սոցիալական ենթակառուցվածքների զարգացման նպատակով մեկնարկեց գործընթաց՝ համայնքներին աջակցության տրամադրումը սուբվենցիաների տեսքով։
Լոռու մարզի 14 համայնքից մարզպետարան մուտքագրվեց թվով 30 ծրագրային հայտ, որոնք լրամշակվելուց հետո, համաձայն մշակված ընթացակարգի, ներկայացվեցին ՀՀ տարածաքային կառավարման և զարգացման նախարարություն ՀՀ կառավարության միջգերատեսչական հանձնաժողովի եզրակացությունն ստանալու համար։
Հանձնաժողովի դրական եզրակացությունն ստացած ծրագրային հայտերի ֆինանսավորման գործընթացն սկսվեց սեպտեմբեր ամսից, և ՀՀ կառավարության 2018թ. հուլիսի 26-ի թիվ 920-Ն որոշմամբ Լոռու մարզպետարանին տրամադրվեց 52,723.4 հազ. դրամ՝ համայնքներին սուբվենցիա հատկացնելու համար։
Այդ թվում՝ «Սպիտակի համայնքի Ավետիսյան 17 շենքի բակի ասֆալտապատում, ջրահեռացում և լուսավորության համակարգի կառուցում, Ավետիսյան 19 ա, 19բ շենքերի բակերի բարեկարգում, հենապատի կառուցում և ասֆալտապատում, Այգեստան 2 փող. ասֆալտապատում» ծրագրի իրականացման համար Սպիտակ համայնքին տրամադրվեց 11,544.5 հազ.դրամ, Լոռի Բերդ համայնքին «Լոռի բերդի համայնքի մեքենասարքավորումների ձեռքբերում» ծրագրի համար՝ 20,188.1 հազ.դրամ, «Լոռի բերդի համայնքում սոցիալական ենթակառուցվածքների ծրագիր` պուրակների և խաղահրապարակների ստեղծում» ծրագրի համար՝ 7,990.8 հազ.դրամ, Օձուն համայնքին «Օձունի համայնքի համար աղբատար մեքենայի ձեռքբերում» ծրագրի իրականացման համար 13,000.0հազ.դրամ։
(Ծրագրերը կներկայացվեն շարունակաբար):