Լոռու մարզպետի աշխատակազմ

Ներբեռնել ՀՀ Լոռու մարզպետ Հ.Մարգարյանի 100 օրյա աշխատանքային գործունեության վերաբերյալ տեղեկատվության ամբողջական տեքստը  եւ Ֆոտոալբոմը

Համայնքների բյուջեների կատարում
ՀՀ Լոռու մարզի համայնքների 2018 թվականի բյուջեների վերլուծությունը ցույց է տալիս, որ 2018 թվականի օգոստոսի 31-ի դրությամբ համայնքային բյուջեների եկամուտների հավաքագրման կատարողականը կազմել է 93.6%, կամ նախատեսված 4 միլիարդ 670.3 մլն. դրամի դիմաց հավաքագրվել է 4մլրդ 370.9մլն. դրամ, նախորդ տարվա նույն ժամանակահատվածի համեմատությամբ ապահովվել է 105.9%-ով, կամ ավել է հավաքագրվել 242.6մլն. դրամ:
Համայնքների սեփական եկամուտների հավաքագրումը 1514.7 մլն. դրամ պլանի դիմաց 31.08.2018թ. դրությամբ կազմել է 1348.5մլն. դրամ կամ 89.0%: 2017թ.-ի նույն ժամանակաշրջանում փաստացի մուտքը կազմել է 1063.8մլն. դրամ (91.8%): Սեփական եկամուտների աճը 2017թ.-ի նկատմամբ կազմել է 126.8%, կամ նախորդ տարվա նկատմամբ ավել է հավաքագրվել 284.7 մլն. դրամ:
31.08.2018թ. դրությամբ գույքահարկի 506.5մլն. դրամ պլանի դիմաց հավաքագրվել է ընդամենը 419.2 մլն. դրամ, կամ կատարվել է 82.8%-ով: 2017թ. նույն ժամանակաշրջանում այն կազմել է 403.3մլն. դրամ: 2017թ.-ի համեմատությամբ հավաքագրումը կազմել է 103.9%, կամ ավել է հավաքագրվել 15.9 մլն. դրամ:
Նույն ժամանակահատվածում հողի հարկի 222.0 մլն. դրամ պլանի դիմաց հավաքագրվել է ընդամենը 164.4մլն. դրամ, կամ կատարվել է 74.1%-ով: 2017թ. նույն ժամանակաշրջանում այն կազմել է 172.5մլն. դրամ: 2017թ.-ի համեմատությամբ հավաքագրումը կազմել է 95.3%, կամ պակաս է հավաքագրվել 8.1մլն. դրամ:
31.08.2018թ. դրությամբ տեղական տուրքի 91.7մլն. դրամ պլանի դիմաց հավաքագրվել է ընդամենը 81.4մլն. դրամ, կամ կատարվել է 88.7%-ով: 2017թ. նույն ժամանակաշրջանում այն կազմել է 78.6մլն. դրամ: 2017թ.-ի համեմատությամբ հավաքագրումը կազմել է 103.5%, կամ ավել հավաքագրվել 2.8 մլն. դրամ:
Նույն ժամանակահատվածում պետական տուրքի 31.5մլն. դրամ պլանի դիմաց հավաքագրվել է 37.6 մլն. դրամ, կամ կատարվել է 119.5%-ով: 2017թ. նույն ժամանակաշրջանում այն կազմել է 32.6մլն. դրամ: 2017թ.-ի համեմատությամբ հավաքագրումը կազմել է 115.6%, կամ ավել է հավաքագրվել 5.1մլն. դրամ:
Անցած 8 ամիսների ընթացքում համայնքների հողի և գույքի վարձակալության վճարների 144.1մլն. դրամ պլանի դիմաց հավաքագրվել է 165.7մլն. դրամ կամ 114.9%: 2017թ. նույն ժամանակաշրջանում այն կազմել է 133.5մլն. դրամ: 2017թ.-ի համեմատությամբ հավաքագրումը կազմել է 124.1%, կամ նախորդ տարվանից ավել է հավաքագրվել 32.1մլն. դրամ:
2018թ. օգոստոսի 31-ի դրությամբ աղբահանության ծառայության վճար նախատեսված է 228.4մլն. դրամ, փաստացի հավաքագրվել է 184.7մլն. դրամ, կամ կատարվել է 80.9%-ով: 2017թ. նույն ժամանակաշրջանում այն կազմել է 155.0մլն. դրամ: 2017թ.-ի համեմատությամբ հավաքագրումը կազմել է 119.2, կամ ավել է հավաքագրվել 29.7մլն. դրամ:
Նախորդ տարվա ցուցանիշների նկատմամբ համեմատությունը ցույց է տալիս, որ բացի հողի հարկի ցուցանիշից մյուս հիմնական եկամտատեսակների գծով աճ է արձանագրվել, ինչը վկայում է այն մասին, որ եկամուտների հավաքագրման աշխատանքներում առաջընթաց կա, բայց միևնույն ժամանակ պետք է նշել, որ ընթացիկ տարվա հաշվետու ժամանակաշրջանի պլանները միշտ չէ որ կատարվում են 100%-ով, ուստի պետք է համայնքների ղեկավարները առավել ուշադիր լինեն այս գործընթացի նկատմամբ:
2017թ. մարզի համայնքներին 8 ամսվա կտրվածքով հատկացվել է կապիտալ ծրագրերի իրականացման համար սուբվենցիա 13.2մլն. դրամի չափով, 2018թ. ընթացքում արդեն ֆինանսավորվել է 98.0մլն. դրամ կամ 84.8մլն. դրամով ավելի:
Նախորդ տարվա պետական բյուջեով համահարթեցման սկզբունքով տրամադրվել է 4310.9մլն. դրամ դոտացիա, 2018թ. համար նախատեսվել է 4271.6մլն. դրամ, կամ 39.3մլն. դրամ պակաս:
Պետական բյուջեից 2018թ. մարզպետարանին հատկացված գումարների ֆինասավորումները իրականացվում են սահմանված չափով և ժամկետներում, որի արդյունքում մազպետարանում և նրա ենթակայության տակ գործող կրթական և մշակութային կազմակերպություններում կրեդիտորական պարտքեր չեն առաջացել, աշխատավարձերը վճարվում են սահմանված ժամկետներում, ուշացումներ չեն արձանագրվել:
Մարզպետարանի ապարատի պահպանման ծախսերի գծով 2018թ. բյուջեով նախատեսված է 583681.0 հազ. դրամ ֆինասավորում, կամ նախորդ տարվա պլանային ցուցանիշից ավել է նախատեսվել 7419.7հազ. դրամ: Աճը հիմնականում պայմանավորված է օրենքով սահմանված կարգով քաղաքացիական ծառայող հանդիսացող աշխատակիցների աշխատավարձերի բնականոն աճով:
Կրթության ոլորտում 2018թ. նախատեսված է 6750736.6 հազ. դրամ ֆինասավորում, կամ 2017թ. նկատմամբ նվազել է 96745.4 հազ. դրամով (1.4%), որը հիմնականում պայմանավորված է հատուկ կրթության և ներառական կրթության ծրագրերի փակմամբ՝ մարզը 2017թ. սեպտեմբերից անցել է համընդհանուր ներառական կրթության: Ծախսերը կատարվել են հետևյալ ծրագրերով՝

Հանրակրթություն ծրագրով նախորդ տարվա նախատեսված 6463663.4 հազ. դրամի դիմաց 2018թ. նախատեսված է 6651625.1 հազ. դրամ, աճը կազմում է 187961.7 հազ. դրամ (2.9%), որը պայմանավորված է աշակերտների թվի աճով և համընդհանուր ներառական կրթության անցմամբ:
Նախադպրոցական կրթություն ծրագրով 2018թ. նախատեսված է 64509.2 հազ. դրամ, որը նախորդ տարվա նախատեսված գումարից ավել է 11734.9 հազ. դրամով (22.9%): Աճը պայմանավորված է նախակրթարանների թվի և սաների ավելացմամբ:
Մանկավարժների և դպրոցահասակ երեխաներին տրանսպորտային ծախսերի փոխհատուցում ծրագրով 2018թ. նախատեսված է 1928.1 հազ. դրամ, որը նախորդ տարվա նախատեսված գումարից ավել է 1140.0 հազ. դրամով (244.6%): Նշված ծրագիրը ամբողջությամբ իրականացնելու համար ըստ կատարված հաշվարկների անհրաժեշտ է 44420.0 հազ. դրամ, հաշվարկները ներկայացվել են ՀՀ կրթության և գիտության և ՀՀ տարածքային կառավարման և զարգացման նախարարություններ:
Ատեստավորման արդյունքում որակավորման տարակարգ ստացած մանկավարժներին հավելավճարի տրամադրում ծրագրով 2018թ. նախատեսված է 32674.2 հազ. դրամ, որը նախորդ տարվա նախատեսված գումարից ավել է 7916.2 հազ. դրամով (31.9%): Աճը պայմանավորված է որակավորման արդյունքում տարակարգ ստացած մանկավարժների թվի ավելացմամբ: Այս ցուցանիշով մարզը հանրապետությունում գրավում է բարձր տեղ և այս պահին տարակարգ ստացած մանկավարժների թիվը կազմում է 268 մանկավարժ, որը ունի բարձր տեմպերով աճի միտում: Թվաքանակի ավելացմամբ պայմանավորված 2018թ. համար նախատեսված գումարը ենթակա է ճշտման (ավելացման):

Մշակույթի ոլորտում 2018թ. նախատեսված է 52483.4հազ. դրամ ծախսերը (թանգարանային ծառայություն՝ 15101.3 հազ.դրամ, մշակութային միջոցառումներ՝ 3309.4 հազ.դրամ, երաժշտական և արվեստի դպրոցներում ազգային նվագարանների գծով ուսուցման վարձավճարի փոխհատուցում՝ 34072.7 հազ. դրամ): Նախորդ տարվա նկատմամբ նվազել է 6166.9 հազ. դրամով (10.5%): Նվազել են թանգարանային ծառայության ծախսերը՝ 1062.8հազ. դրամ, մշակութային միջոցառումներ՝ 232.9 հազ.դրամ, երաժշտական և արվեստի դպրոցներում ազգային նվագարանների գծով ուսուցման վարձավճարի փոխհատուցում՝ 4870.8 հազ. դրամ:

Մարզային նշանակության ավտոճանապարհների ընթացիկ ձմեռային պահպանում և շահագործում ծրագրով 2018թ. նախատեսված է 104528.0 հազ. դրամ, որը նախորդ տարվա նախատեսված գումարից ավել է 14858 հազ. դրամով (16.5%):

Երկրաշարժի հետևանքով անօթևան մնացած ընտանիքների բնակարանով ապահովում ծրագրով 2018թ. նախատեսված է 460000.0 հազ. դրամ, որը նախորդ տարվա նախատեսված գումարից ավել է 434500.0 հազ. դրամով (2017թ. նախատեսված էր ընդամենը 25500.0հազ. դրամ):

Պահուստային ֆոնդից 2018թ. անցած ժամանակաշրջանում հատկացվել է 147618.4 հազ. դրամ, որից՝
- Թվով 4 սուբվենցիոն ծրագրով Սպիտակ, Լոռի Բերդ և Օձուն համայնքներին համաֆինասավորում՝ 52723.4 հազ. դրամ:
- Շենավան, Գեղասար, Շիրակամուտ, Դսեղ, Եղեգնուտ համայնքներին աջակցություն ջրագծի վերանորոգման, միջհամայնքային ճանապարհների նորոգման, ժամանցի և միջոցառումների սրահի վերակառուցման, Շահումյան համայնքի դպրոցի վերանորոգման համար` 87871.0հազ. դրամ:
- Աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով ձեռք բերված անշարժ գույքի նվիրատվության պայմանագրերի նոտարական վավերացման և պետական տուրքի գծով վճարների կատարման համար` 1644.0 հազ.դրամ
- ՈՒժեղ քամիների հետևանքով մարզի բազմաբնակարան շենքներին և տներին հասցված վնասների վերացման համար /Ալավերդու Սանահին Սարահարթ 2/32 ` 3850.0հազ. դրամ:
- Լավագույն մարզական ընտանիք մրցույթի անցկացման համար` 1200.0հազ. դրամ:
-Այլընտրանքային աշխատանքային ծառայողների աշխատավարձերի վճարման
համար՝ 330.0 հազ.դրամ:

ՀՀ Լոռու մարզի 2018թ. գործունեության ծրագրով նախատեսված ծրագրերի
մոնիտորինգի վերաբերյալ

Լոռու մարզի 2017-2025թթ. Լոռու մարզի զարգացման ռազմավարության շրջանակներում 2018թ.-ի պլանավորված եւ 1-ին կիսամյակի ընթացքում իրականացված աշխատանքների վերաբերյալ տեղեկատվություն.
Հազ.դրամ
Ոլորտը /ֆինանսավորման աղբյուրը/ 2018թ.
ՏԱՊ-ով նախատեսված իրատեսական բյուջեն 1-ին կիսամյակին իրականացված Կատարման %
ԸՆԴԱՄԵՆԸ՝ 2018թ. 59,991,915.9 18,875,715.3 31.2
որից`
1 ՀՀ պետական բյուջե, այդ թվում՝ 34,631,882.4 15,882,456.3 45.9
սեփական միջոցներ 21,271,860.4 8,930,084.8
վարկային միջոցներ 13,360,022.0 6,952,371.5
2 Միջազգային կազմակերպություններ և դոնորներ 352,234.5 16,891.0 4.8
3 Համայնքային բյուջե 287,189.0 27,680.0 9.6
4 Մասնավոր ներդրողներ 20,980,360.0 2,669,272.00 12.0
5 Այլ աղբյուրներ 3,740,250.0 279,416.0 7.5

Լոռու մարզի վարչական տարածքում ներդրումների ընդհանուր ծավալը 1-ին կիսամյակի դրությամբ կազմել է 9,851մլրդ.դրամ, 2018թ.-ի պլանի դիմաց այն կազմել է 27.1% է։
Միայն արդյունաբերություն և մասնավոր հատվածում ներդրումները կազմել են 2.6մլրդ. դրամ, ստեղծված նոր աշխատատեղերի քանակը՝ 526։
Հանքարդյունաբերությունում ներդրումների ծավալը կազմել է 593.56մլն.դրամ, այդ թվում.
o Սագամար ՓԲԸ- ի կողմից կատարվել է շուրջ 175.0մլն.դրամի ներդրում, որը ուղղված է եղել ընկերության պահպանման, տեխնիկայի, ենթակառուցվածքների վերանորոգման և այլ ընթացիկ ծախսերի համար, արդյունքում ստեղծվել է 12 նոր աշխատատեղ:
o Ախթալայի ԼՀԿ-ն 1-ին կիսամյակի տվյալներ չի տրամադրել, սակայն եռամսյակի տվյալներով ներդրումների ծավալը 418.56մլն.դրամ, ստեղծված նոր աշխատատեղերի թիվը՝ 44։
Մշակող արդյունաբերություն եւ այլ - ներդրումների ծավալը կազմել է 1,747.5մլն.դրամ, այդ թվում.
• <<Էյ-ՍԻ-Փի>>ՓԲԸ-ի կողմից կատարվել է 361.0մլն.դրամի չափով կապիտալ ծախսերի տեսքով ներդրումներ: Ծախսերը կատարվել են գործող արտադրական հզորությունների պահպանման նպատակով:
• Թեթեւ արդյունաբերության մեջ առաջատար Դարբբագս ՍՊԸ-ի կողմից իրականացվել են 158.0մլն դրամ ներդրումներ, նոր ստեղծված աշխատատեղերի թիվը՝ 405։
• 2018թ.-ի տարեսկզբից Վանաձոր համայնքում մեկնարկվեց ՎԱԲԱ ՍՊԸ-ի կողմից հակակարկտային ցանցերի արտադրամասի հիմնման ծրագիրը։ 1-ին կիսամյակի դրությամբ ձեռնարկության կազմակերպման համար իրականացվել է 1.2մլրդ.դրամի չափով ներդրումներ։ Նախատեսվում է մինչեւ տարեւվերջ ներդրումների ծավալը հասցնել 2.5մլրդ դրամի:

Զբոսաշրջություն դրությամբ ոլորտում ներդրումների ծավալը կազմել է 24.142մլն.դրամ, այդ թվում՝
Մեկնարկվել են ԵՄ ֆինանսավորմամբ ՓՄՁ ԶԱԿ-ի կողմից իրականացվող մարզում ագրոտուրիզմի խթանմանն ուղղված Ճամփեզրյա կայանի կառուցման ծրագրի աշխատանքները, 1-ին կիսամյակում կատարվել են նախահաշիվ-նախագծային եւ ենթակառուցվածքային պայմանագրային աշխատանքները
ՄԱԿ-ի կողմից Ռուսաստանի ֆինանսավորմամբ հանրապետությունում մեկնարկված Ինտեգրված գյուղական զբոսաշրջության զարգացում Լոռու մարզում ծրագիրի շրջանակներում, Վանաձորում բացվել է Լոռու տուրիզմի եւ հետազոտության կենտրոններ։ Կնքվել է համագործակցության հուշագիր Լոռու մարզպետարանի եւ ՄԱԿ-ի զարգացման ծրագրի միջեւ զբոսաշրջության ոլորտում համատեղ փոխշահավետ ծրագրերի իրականացման, փորձի փոխանակման համար։

ՏՏ ոլորտ - ներդրումների ծավալը կազմել է 129.416 մլն.դրամ, այդ թվում.
• Վանաձորի տեխնոլոգիական կենտրոնի (ՎՏԿ) կառավարման համար պետական միջոցներից կատարվել է շուրջ 30.0մլն դրամի ներդրում: ՎՏԿ-ում տեղակայված ընկերությունների թիվը ներկա պահին 9-նն է, 81 աշխատակիցների թվով։ Կազմակերպվել են տարբեր վերապատրաստումներ, մասնակիցների թիվը՝ 494, 14 միջոցառումներ, այդ թվում Հայաստանում զբոսաշրջության զարգացման նորարարական գաղափարների Հէքըթոն եւ ՀՀ-ում երկրորդ ինժեներական ֆորում-համաժողովը։
• Հայաստանի մանուկներ հիմնադրամի կողմից ՍՄԱՐԹ նախաձեռնության շրջանակներում կատարվել է ավելի քան 100մլն. դրամի ներդրումներ: Հիմնադրամի կողմից պաշտոնապես բացվեց 2015թ.-ից մեկնարկված, ՀՀ-ում իր տեսակով առաջին ՍՄԱՐԹ կենտրոնը։ Կենտրոնում ստեղծվել են 40 նոր աշխատատեղեր։

ՓՄՁ աջակցման եւ ներդրումային ծրագրեր - տարբեր ֆինանսական աղբյուրներով ներդրումների ծավալը կազմել է 107.489մլն դրամ։
2018թ-ի մայիս-օգոստոս ամիսներին մարզպետարանի կողմից ՀՀ ՏԿԶՆ է ներկայացվել շուրջ 15 ներդրումային ծրագրեր, ևս 7-ը՝ գտնվում են մշակման փուլում:

Սուբվենցիոն ծրագրեր
Մարզի համայնքներում տնտեսական եւ սոցիալական ենթակառուցվածքների վերականգնման նպատակով պետության կողմից սուբվենցիա ստանալու համար ՀՀ Լոռու մարզի 14 համայնքներից ՀՀ ՏԿԶՆ է ներկայացվել 29 սուբվենցիոն ծրագրեր (ծրագրային ընդհանուր արժեքը 1մլրդ 358 մլն դրամ, որից պետական ներդրումը նախատեսվում է 660.37 մլն դրամ, մոտ 51.37%-ը):
Ներկայացված ծրագրերից կառավարության միջգերատեսչական հանձնաժողովի կողմից 19-ն արդեն հաստատվել են, ընդհանուր արժեքը 827.0մլն. դրամ (պետական աջակցության մասը կազմում է՝ 407.9մլն դրամ)։
Մեկնարկվել է 2018 թվականի հուլիսի 26-ի կառավարության թիվ 920-Ն որոշմամբ հաստատված ծրագրերի ֆինանսավորման գործընթացը ՀՀ Լոռու մարզի Սպիտակ, Լոռի-բերդ, Օձուն համայնքների համար։ Լոռու մարզին հատկացվել է 52.7մլն. դրամ, համայնքների հետ պայմանագրեր կնքման գործընթացը ընթացքի մեջ է։