Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարթագյուղ համայնքը կապահովվի ոռոգման համակարգով
16.08.2018
Մարզպետի տեղակալ Անդրեյ Ղուկասյանը Լոռու մարզի Հարթագյուղ համայնքը ոռոգման համակարգով ապահովելու հարցը քննարկելու նպատակով հրավիրել էր խնդրով հետաքրրքված շահագրգիռ կառույցների ներկայացուցիչներին:
Ինչպես ներկայացվեց, նախնական հաշվարկներով գյուղը ոռոգման փակ համակարգով ապահովելու համար անհրաժեշտ է շուրջ 32 մլն դրամ: Սուբվենցիոն ծրագրից օգտվելու դեպքում ֆինանսավորումը պետք է լինի 60/40 սկզբունքով, համամասնաբար պետբյուջեի ու համայնքային բյուջեի ներդրմամբ:
Համայնքային ներդրման համար անհրաժեշտ գումարի գերակշիռ մասը՝ շուրջ 8 մլն-ը ներդնելու պատրաստակամություն հայտնեցին Հարթագյուղում ներկայում գյուղատնտեսական ծրագիր իրականացնող «Աստղիկ» հիմնադրամի ներկայացուցիչները՝ հոլանդացի բարերարների աջակցությամբ:
Այս դեպքում համայնքային բյուջեից կպահանջվի ընդամենը 5 մլն դրամ:
Սա համայնքի համար կարող է լինել մեծ աջակցություն և դառնալ լավ նախադեպ նաև մյուս համայնքների համար:
Մասնագետներն անմիջապես կստանձնեն ծրագրի կազմման համար անհրաժեշտ նախապատրաստական աշխատանքները, որպեսզի ոռոգման հաջորդ սեզոնին գյուղն ապահովված լինի ոռոգման նոր, փակ համակարգով, ինչը թույլ կտա ջրի խնայողություն անել ու կորուստները հասցնել նվազագույնի:
