Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փոխմարզպետ Անդրեյ Ղուկասյանի անակնկալ այցերը մարզի բուժհիմնարկներ շարունակվում են
03.08.2018
Օգոստոսի 2-ին փոխմարզպետ Անդրեյ Ղուկասյանը եղավ Վանաձորի թիվ 1 համաբուժարան: Ինչպես հայտնի է՝ այն տեղակայված է քաղաքի կենտրոնական հատվածում և մարզկենտրոնի ամենաշատ բնակչություն սպասարկող առաջնային օղակն է:
Փոխմարզպետը բուժհաստատության տնօրենի և անձնակազմի հետ հանդիպման ժամանակ չափազանց կարևորեց պատշաճ վերաբերմունքը բնակչության նկատմամբ:Նա նաև զրուցեց այցելուների հետ: Փոխմարզպետն արձանագրեց, որ համաբուժարանը շենքային պայմանների պայմանների բարելավման կարիք ունի:
Բուժաշխատողները նշեցին, որ որոշ խնդիրներ են ծագում պետպատվերով տրամադրվող դեղամիջոցների ցանկի հետ կապված: Ա. Ղուկասյանն առաջարկեց առկա խնդիրները և դրանց լուծման հետ կապված առաջարկություններն ամփոփ փաստաթղթով ներկայացնել մարզպետարան՝ դրանք ՀՀ առողջապահության նախարարությունում քննարկելու համար:
