Լոռու մարզպետի աշխատակազմ

Այսօր  մարզպետ Հրանտ Մարգարյանն ընդունեց «Վորլդ Վիժն Հայաստան» կազմակերպության Լոռու մարզային ծրագրերի ղեկավար Արեգ Մարտիրոսյանին: Հանդիպմանը ներկա էին նաև ոլորտային պատասխանատու պաշտոնյաներ:  Շնորհակալություն հայտնելով հյուրընկալության համար՝ Ա. Մարտիրոսյանը մարզի ղեկավարին ներկայացրեց կառույցի կողմից իրականացված և ընթացքի մեջ գտնվող ծրագրերը: Կազմակերպությունը գրասենյակներ ունի մարզի Ստեփանավան և Ալավերդի քաղաքներում և իրականացնում է  շահերի պաշտպանության, առողջապահության, տնտեսական զարգացման, երեխաների պաշտպանության, զարգացման ծրագրեր:  Մարզի ղեկավարն, իր հերթին երախտագիտություն հայտնելով մարզում արդյունավետ գործունեություն ծավալելու համար, նշեց, որ մարզպետարանի աշխատակազմը շարունակելու է սերտորեն համագործակցել մարզում գործող բոլոր հասարակական և միջազգային կառույցների հետ՝ հանդես գալով որպես կայուն գործընկեր և աջակցելով ողջունելի բոլոր նախաձեռնություններին: