Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետը պարգևատրվեց ՀՀ վետերանների միության պատվոգրով
25.07.2018
Այսօր մարզպետ Հրանտ Մարգարյանն ընդունեց «ՀՀ վետերանների միություն» ՀԿ Վանաձորի մասնաճյուղի նախագահ Արամ Սարգսյանին և փոխնախագահ Նորայր Աբելյանին: Հանդիպմանը ներկա էին նաև մարզպետի տեղակալ Սերգեյ Սարուխանյանը և մարզպետարանի աշխատակազմի գլխավոր քարտուղար Նարեկ Սարգսյանը:
Ա. Սարգսյանը և Ն. Աբելյանն իրենց երախտագիտությունը հայտնեցին մարզի ղեկավարին օրեր առաջ Երևանում կայացած ՀՀ վետերանների համաժողովին մասնակցելու նպատակով իրենց ֆինանսական աջակցություն ցուցաբերելու համար: Նրանք նշեցին, որ համաժողովի ժամանակ ընթերցվել է Լոռու մարզպետի ողջույնի ուղերձն, ինչն ընդունվել է մեծ ոգևորությամբ: Իբրև երախտագիտության նշան՝ նրանք մարզի ղեկավարին հանձնեցին ՀՀ վետերանների միավորման նախագահ Ս. Եսայանի պատվոգիրը՝ վետերանական շարժմանն ակտիվ մասնակցելու, տարածքի վետերանների կենցաղային պայմանները բարելավելու և նրանց նկատմամբ որդիական ջերմ հոգատարություն ցուցաբերելու համար:
Շնորհակալություն հայտնելով գնահատանքի համար՝ մարզպետը պատրաստակամություն հայտնեց այսուհետ ևս հնարավորության սահմաններում աջակից լինել կառույցին:
