Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ստեփանավանի սոցիալական աջակցության տարածքային գործակալության պետ է նշանակվել Արթուր Վարդանյանը
11.07.2018
ՀՀ Լոռու մարզպետի տեղակալ Սերգեյ Սարուխանյանը 2018թ. հուլիսի 10-ին այցելեց աշխատակազմի Ստեփանավանի սոցիալական աջակցության տարածքային գործակալություն, որի պետի ժամանակավոր թափուր պաշտոնը ՀՀ Լոռու մարզպետարանի աշխատակազմի ղեկավարի 2018թ. հունիսի 29-ի թիվ 157 հրամանով զբաղեցնում է Արթուր Վարդանյանը:
Աշխատանքային հանդիպմանը հիմնականում խոսվեց հետագա անելիքների մասին, մարզպետի տեղակալը հորդորեց ազնիվ ու թափանցիկ աշխատանքով մեծացնել քաղաքացիների վստահությունը ծառայության հանդեպ և առավել հասցեական դարձնել բնակչության կենսապահովմանն ուղղված պետական նպաստների տրամադրումը:
ՀՀ Լոռու մարզպետի տեղակալ Ս. Սարուխանյանը, ով նաև համակարգում է սոցիալական ապահովության բնագավառը, շրջեց գործակալության տարածքում, ծանոթացավ աշխատանքային պայմաններին, դրական գնահատեց այն և հույս հայտնեց, որ այսուհետև կիրականացվի աշխատանքային պատշաճ գործունեություն և պատրաստակամություն հայտնեց սատար կանգնել բարենպաստ բոլոր նախաձեռնություններին:
Հանդիպմանը ներկա էր մարզպետարանի աշխատակազմի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը:
