Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Լոռու մարզպետ. «Հիվանդին հենց մուտքից գնացուցակով ողջունելը անընդունելի մոտեցում է»

13.06.2018

Այսօր՝ հունիսի 13-ին, Լոռու մարզպետ Հրանտ Մարգարյանը Լոռու մարզպետարանի աշխատակազմի առողջապահության և սոցիալական ապահովության վարչության պետ Սամվել Լամբարյանի ուղեկցությամբ աշխատանքային այցով եղավ Վանաձոր բժշկական կենտրոնի թերապևտիկ ծառայությունների մասնաշենքում: Վանաձորի բժշկական կենտրոնի տնօրեն Վարդան Աբովյանի հետ մարզպետը շրջեց հիվանդանոցում, ծանոթացավ բուժանձնակազմի հետ:

Օրերս մարզպետի կողմից հանձնարարական էր տրվել բժշկական խորհրդատվության գնացուցակը բժիշկների աշխատասենյակների մուտքերի մոտից հանել՝ հիմնավորմամբ, որ հիվանդին հենց մուտքից գնացուցակով ողջունելն անընդունելի մոտեցում է: Հանձնարարականն ընդունվել էր ի գիտություն, այդ մասին իր խոսքում նշեց նաև մարզպետ Հ. Մարգարյանը: Նա բժիշկների հետ զրուցեց բուժհաստատությունում առկա խնդիրների մասին՝ հիմնականում պայմանների բացակայություն, որոշ սարքավորումների արդիականացման անհրաժեշտություն, դեղորայքի որակ, համոզմունք հայտնելով, որ նոր բժշկական կենտրոնի կառուցումից հետո դրանք աստիճանաբար լուծում կստանան: Նոր հանձնարարականներ տրվեցին այս հարցերին ևս ուշադրություն դարձնելու ուղղորդմամբ:

Շրջայցից հետո մարզպետը զրուցեց բաժանմունքների վարիչների և բժիշկների հետ: Նա նշեց, որ առանձնակի հարգանքով ու պատկառանքով է վերաբերվում բժիշկներին:

-Բժիշկը հիվանդների վճարումների հետ որեւէ առնչություն չպետք է ունենա, և այս խնդիրը պետք է մեկընդմիշտ կանոնակարգվի,- ասաց Հրանտ Մարգարյանը:         

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-06-19 16:33:01