Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գործակարգավարական խորհրդակցություն Լոռու մարզպետարանում
08.06.2018
Այսօր հերթական գործակարգավարական խորհրդակցությունն անցկացրեց Լոռու մարզպետարանի աշխատակազմի ղեկավար Նարեկ Սարգսյանը:
Նա նախ և առաջ անդրադարձավ աշխատանքային կարգապահական հարցերին: Նշելով, որ մարզպետարանի աշխատակազմում կարգապահությունը միշտ բարձր մակարդակի վրա է եղել, հորդորեց շարունակել նույնկերպ՝ խուսափելով անհարկի բացակայություններից, զերծ մնալ ուշացումներից:
-Սա նաև մարզի ղեկավարի պահանջն է,-ասաց Ն. Սարգսյանը:
Աշխատակազմի ղեկավարը տեղեկացրեց, որ վերջին օրերին հատկապես ավելացել են մարզի բնակիչների՝ տարաբնույթ խնդիրներին վերաբերող դիմումները:
-Մարզպետ Հրանտ Մարգարյանի հանձնարարականն է՝ բոլոր դիմումների հետ կապված քննարկումներ կազմակերպել, անհրաժեշտության դեպքում՝ գնալ դրանց ետևից: Յուրաքանչյուր բարձրացված խնդրի պետք է լուծում տանք, որպեսզի քաղաքացիները դժգոհություններ չունենան,-ասաց նա:
Աշխատակազմի ղեկավարը առանձին ստորաբաժանումներին և Իրավաբանական բաժնին հանձնարարեց նաև հետևողական լինել ստացվող իրավական ակտերի նախագծերին:
Քննարկվեցին նաև այլ հարցեր, տրվեցին հանձնարարականներ:
