Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խնամակալության և հոգաբարձության հանձնաժողովի նիստ՝ Սարչապետ համայնքում
21.05.2018
Օրերս անցկացվեց Սարչապետ համայնքի խնամակալության և հոգաբարձության հանձնաժողովի նիստը, որին մասնակցում էին նաև Լոռու մարզպետարանի ընտանիքի, կանանց և երեխաների իրավունքների պաշտպանության բաժնի պետ Արեն Եղիազարյանը, առաջատար մասնագետ Հասմիկ Անդրեասյանը և կրտսեր մասնագետ Անի Ղազարյանը: Նիստի ընթացքում քննարկվեցին Սարչապետ համայքնի մեկ ընտանիքում բնակվող 3 անչափահասի առանց ծնողական խնամքի ճանաչելու և Պրիվոլնոյե համայնքում մեկ ընտանիքում բնակվող 2 անչափահասի բնակության վայրը որոշելու հարցերը: Նշվեց, որ Սարչապետ համայնքում բնակվող նշված երեխաների ծնողներն անկանոն կյանք են վարում և երեխաների խնամքը 2011թ.–ից իրականացրել է տատը. ով այժմ խիստ տարեց է և այլևս անկարող է խնամել երեխաներին:
Քննարկման արդյունքում որոշվեց երեխաներին ճանաչել առանց ծնողական խնամքի մնացած(ԱԾԽՄ) և առաջիկայում հանձնել խնամատար ընտանիք: Երեխաներն առաջիկայում կմանան Հայ օգնության ֆոնդի կենտրոնում:
Պրիվոլնոյե համայնքում բնակվող երեխաների ծնողների մայրը լքել է ամուսնու տունը՝ իր հետ տանելով երեխաներին: Վերջիններս այժմ բնակվում են կնոջ հայրական տանը, որը բացարձակապես զուրկ է կոմունալ-կենցաղային պայմաններից: Քննարկման արդյունքում որոշում կայացվեց մինչև դատական կարգով ամուսնալուծությունը՝ երեխաներին վերաբնակեցնել հայրական տանը:
