Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

«Սպորտլանդիա» մարզական միջոցառման հանրապետական փուլը՝ Վանաձորում

18.05.2018

ՀՀ սպորտի և երիտասարդության հարցերի նախարարության կողմից այս տարի արդեն երկրորդ անգամ կազմակերպված «Սպորտլանդիա» մարզական միջոցառման հանրապետական փուլը 4-7-րդ դասարանների աշակերտների համար անցկացվեց Վանաձորում:

Մրցույթին մասնակցում էին ՀՀ և Արցախի հանրապետության մարզային փուլերում հաղթող ճանաչված թիմերը: «Սպորտլանդիա» մարզական միջոցառմանը ներկա էին նաև ՀՀ սպորտի և երիտասարդության հարցերի փոխնախարար Գաբրիել Ղազարյանը, Լոռու մարզպետի տեղակալ Տիգրան Բադոյանը, մարզպետարանի կրթության, մշակույթի և սպորտի վարչության մշակույթի բաժնի պետ Արամ Ռևազյանը, Վանաձորի քաղաքապետի տեղակալ Արման Բերնեցյանը, այլ պաշտոնյաներ:

Գ. Ղազարյանը թիմերին ուղղված իր ողջույնի խոսքում նշեց, որ նախարարության՝ առողջ ապրելակերպին ուղղված ծրագրերը կշարունակվեն՝ նպաստելով մասսայական սպորտի տարածմանը մարզերում:

Մարզի ղեկավարի անունից թիմերին ողջունեց Տ. Բադոյանը՝ նրանց մաղթելով հաջողություններ:

Ակտիվ մրցապայքարում մրցանակային տեղեր նվաճած թիմերին (առաջին տեղ՝ Արարատի մարզ, երկրորդ՝ Շիրակի, երրորդ՝ Կոտայքի) մրցանակներով և մեդալներով պարգևատրեցին Գ. Ղազարյանը, Տ. Բադոյանը, Ա. Բերնեցյանը:

Նշենք, որ 1-4-րդ դասարանցիների համար «Սպորտլանդիայի» հանրապետական փուլը կանցկացվի մայիսի 21-ին՝ Գյումրիում:

 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 17:54:09