Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գուգարքի հիմնական դպրոցի թիմերը` «Սպորտլանդիա» մարզական միջոցառման մարզային փուլի հաղթող
16.05.2018
ՀՀ մարզերի, Երևան քաղաքի և Արցախի Հանրապետության հանրակրթական դպրոցների 1-3-րդ և 4-7-րդ դասարանների միջև ՀՀ սպորտի և երիտասարադության հարցերի նախարարության նախաձեռնությամբ արդեն երկրորդ տարին՝ անց է կացվում «Սպորտլանդիա» մարզական միջոցառումը: Այս տարի մարզային փուլում առաջին պատվավոր տեղը գրավեցին Գուգարքի հիմնական դպրոցի թիմերը:
Աշակերտներին շնորհավորելու էին գնացել Լոռու մարզպետարանի կրթության, մշակույթի և սպորտի վարչության մշակույթի բաժնի պետ Արամ Ռևազյանը, կրթության բաժնի պետ Գարիկ Տոնոյանը և վարչության առաջատար մասնագետ Ռուբեն Մխիթարյանը: Նրանք թիմերին պարգևատրեցին Սպորտի և երիտասարդության հարցերի նախարարության հավաստագրերվ ու գավաթով:
Վարչության աշխատակիցները հաղթողներին շնորհավորեցին հաղթանակի առթիվ, մաղթեցին նոր ձեռքբերումներ ու հաղթանակներ հանրապետական մրցաշարում՝ շնորհակալություն հայտնելով նաև թիմերի մարզիչներ Արկադի Կոստանյանին և Ռուզաննա Հարությունյանին:
