Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Համապետական չորրորդ շաբաթօրյակի մեկնարկը տրված է

14.04.2018

«Մաքուր Հայաստան» ծրագրի շրջանակներում այսօր, վաղ առավոտյան, համապետական շաբաթօրյակը մեկնարկել է Լոռու մարզի բոլոր համայնքներում:

Մարզի քաղաքային համայնքներում 9.30-ին կատարվել է տեխնիկական միջոցների ստուգատես, ապա մեկնարկել են աշխատանքներն՝ ըստ նախապես առանձնածված տեղամասերի: Ըստ համայնքներից ստացված տեղեկատվության, շաբաթօրյակին մասնակցում է 110 միավոր տեխնիկա, 15500 մարդ, շուրջ 370 կազմակերպություն: Ընդհանուր առմամբ այսօր նախատեսվում է մաքրել 125 տեղամաս:

Շաբաթօրյակը պատշաճ կազմակերպելու համար օրեր շարունակ մարզային հեռուստատեսությամբ, մարզպետարանի և համայնքների պաշտոնական կայքէջերով և ֆեյսբուքյան էջերով, Վանաձորում նաև՝ կենտորոնական պողոտաներում տեղադրված մեծ էկրանների վրա տեղեկատվական և գովազդային հոլովակների միջոցով կոչ է արվել մարզի համայնքների բնակչությանը ևս ակտիվ մասնակցություն ունենալ շրջակա միջավայրի սանիտարական մաքրման աշխատանքներին:

Շաբաթօրյակին մասնակցում են մարզի բոլոր համայնքապետարանները, հանրապետական գործադիր մարմինների տարածքային ծառայությունները, կրթական, առողջապահական մարզական հիմնարկները, պետական, մասնավոր և հասարակական հատվածում գործող տարբեր կառույցներ և կազմակերպություններ, ինչպես նաև անհատ բնակիչներ:

Համապետական շաբաթօրյակին մասնակցում է նաև Լոռու մարզպետարանի աշխատակազմը: Վերջինս մաքրման աշխատանքներ է իրականացնում Վանաձորի Սայաթ Նովայի անվան զբոսայգում:

 

Աշխատանքները մարզում վերահսկել է ՀՀ տարածքային կառավարման և զարգացման նախարարության ներկայացուցիչը, ով ևս ներգրավվել է աշխատանքներում:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-04-26 10:25:32