Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք Վազգեն Սարգսյանի հիշատակին
05.03.2018
Մարտի 5-ին սպարապետ Վազգեն Սարգսյանը կդառնար 59 տարեկան: Վանաձորում տեղակայված նրա արձանի շուրջը, ավանդույթի համաձայն, համախմբվել էին մարզային և քաղաքային իշխանության, զինվորականության ներկայացուցիչներ, Երկրապահ կամավորական միության անդամներ, մտավորականներ, դպրոցականներ, բազմաթիվ վանաձորցիներ: Հոգևոր դասը Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանի գլխավորությամբ հոգեհանգստի կարգ կատարեց՝ խաղաղության և սպարապետ Վազգեն Սարգսյանի հոգու հանգստության համար աղոթքով:
Արձանի մոտ նաև փոքրիկ միջոցառում էր կազմակերպվել. պարային կատարումներով հանդես եկավ «Հորովել» երգի-պարի համույթը: Հնչեցին նաև ողջույնի խոսքեր:
Մարզպետ Արթուր Նալբանդյանն իր խոսքում կարևորեց Վազգեն Սարգսյանի մեծ ներդրումը հայոց բանակաշինության գործում:
Միջոցառման ավարտին սպարապետի արձանին ծաղկեպսակներ և ծաղիկներ խոնարհեցին Լոռու մարզպետ Արթուր Նալբանդյանը, Վանաձորի քաղաքապետ Մամիկոն Ասլանյանը, մարզային և քաղաքային իշխանությունները, ԵԿՄ ներկայացուցիչները և մյուս ներկաները:
