Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում մարզի ղեկավարի հետ՝ բարեգործական շարժառիթով
24.11.2017
Այսօր Լոռու մարզպետ Արթուր Նալբանդյանին հանդիպելու ցանկություն էին հայտնել Վանաձորի Գրիբոյեդովի անվան թիվ 11 ավագ դպրոցի աշակերտական խորհրդի մի խումբ անդամներ: Հանդիպման առիթը առողջական լուրջ խնդիր ունեցող վանաձորցի փոքրիկ Արեգին օգնություն ցուցաբերելն էր:
Աշակերտական խորհրդի անդամներն ու մանկավարժները մարզի ղեկավարին պատմեցին «Խաչվող ուղիներ» ՍՀԿ-ի կողմից հայտարարված ամենամյա «Բարին արա» կամավորական ակցիայի շրջանակներում «Սիրո և բարության կանթեղ` Արեգի համար» իրենց նախաձեռնության մասին:
Փոքրիկ Արեգի հիվանդության պատմությանը ծանոթանալուց հետո Գրիբոյեդովի անվան ավագ դպրոցն անհապաղ գործի է անցել երեխայի բուժման ծախսերը հոգալու նպատակով: Աշակերտական խորհրդի նախաձեռնությամբ կազմակերպվել է հանգանակություն, շրջիկ արկղով դրամահավաքին մեծ սիրով մասնակցել են և՛ աշակերտներն ու մանկավարժները, և՛ բազմաթիվ ծնողներ: Մարդասիրական նախաձեռնությանը լայն արձագանք հաղորդելու նպատակով նաև ստեղծվել ու համացանցի սոցիալական ցանցում տարածվել է քարոզչական տեսահոլովակ՝ երեխայի հիվանդության պատմության ու ձեռնարկված մարդասիրական միջոցառումների վերաբերյալ:
Բացի այդ շուտով կազմակերպվելու է աշակերտների ձեռքի աշխատանքների ցուցահանդես-վաճառք, ինչպես նաև նոյեմբերի 30-ին, ժամը 12-ին՝ Վանաձորի Սուրբ Գրիգոր Նարեկացի եկեղեցու նեքնահարկում ամփոփիչ համերգ-նվիրվատվություն՝ փոքրիկ Արեգին և նրա ընտանիքին աջակցելու նպատակով:
Մարզի ղեկավարը բարձր գնագհատեց ու խրախուսեց նրանց մարդասիրական նախաձեռնությունը և պատրաստակամություն հայտնեց անձնական մասնակցություն ունենալ կարիքավոր մանկան բուժման նպատակով կատարվող դրամահավաքին:
