Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տարեցների միջազգային օրը լի էր անակնկալներով
03.10.2017
Տարեցների միջազգային օրվա առթիվ Լոռու մարզպետ Արթուր Նալբանդյանը ոչ միայն շնորհավորական խոսք, բարեմաղթանքներ հղեց մարզի տարեցներին, այլև մարզպետարանի համապատասխան ստորաբաժանումների պաշտոնյաներին հանձնարարեց այցելել նրանցից ոմանց, քաջալարել, հանձնել նվերներ:
Ավանդույթի համաձայն այս տարի էլ Վանաձորի տարեցների տուն այցելեցին Լոռու մարզպետի տեղակալ Տիգրան Բադոյանը, սոցիալական ապահովության բաժնի պետ Վալերի Ջաղինյանը, իսկ «Առաքելություն Հայաստան» ԲՀԿ-ի Վանաձորի համայնքային կենտրոն՝ մարզպետարանի սոցիալական ապահովության բաժնի աշխատողները, այլ պաշտոնատար անձինք, ովքեր շնորհավորեցին տարեցներին, զրուցեցին նրանց հետ: Երկու հաստատություններին էլ տոնական միջոցառումների և խնջույքի կազմակերպման համար մարզպետի կողմից հատկացվեց 100.000-ական դրամ :
«Առաքելություն Հայաստան» ԲՀԿ-ի Վանաձորի համայնքային կենտրոնը իր շահառուներին նվիրեց տաք գուլպաներ: «Հայկական Կարիտաս» ԲՀԿ-ի «Տնային խնամք միայնակ ծերերին» ծրագիրն իրականացնողները ավանդական «Պարգևիր ժպիտ» ակցիայի շրջանակներում հոկտեմբեր ամսվա ընթացքում տարբեր միջոցառումներով կուրախացնեն տարեցներին: Ինչպես ամեն տարի, այս տարի ևս շահառուների համար կազմակերպվեցին տոնական միջոցառումներ, որոնց ակտիվ մասնակցեցին նաև շահառուները՝ իրենց երգ ու պարով, ասմունքով:
