Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Բերքի տոնն» այս տարի կանցկացվի Վանաձորում
15.09.2017
Լոռու մարզպետարանի նախաձեռնությամբ յուրաքանչյուր տարի հոկտեմբեր ամսին նշվող ավանդական դարձած «Բերքի տոն» տոնակատարության նախապատրաստական աշխատանքներն ակտիվորեն են ընթանում: Այս տարի այն էականորեն կտարբերվի նախորդներից՝ ներգրավելով առավել շատ մասնակիցների: Կազմակերպչական հարցերի քննարկման նպատակով հերթական խորհրդակցությունը մարզպետ Արթուր Նալբանդյանի գլխավորությամբ և մարզպետարանի պատասխանատու պաշտոնյաների մասնակցությամբ անցկացվեց այսօր:
Հստակեցվեց, որ տոնահանդեսը կանցկացվի հոկտեմբերի 8-ին՝ Վանաձորի Հայքի հրապարակում: Բացի մարզի գյուղական համայնքներից բերված բերք ու բարիքի և տեղական արտադրության մթերքների, տոհմային անասունների, գյուղտեխնիկայի, այլ արտադրանքների ու ծառայությունների ցուցադրությունից, կկազմակերպվի նաև գյուղմթերքների տոնավաճառ: Կստեղծվի իսկական գյուղական միջավայր: Եվ վերջապես՝ ի՞նչ տոնահանդես առանց երգ ու պարի, թատերականացված տեսարանների. պատասխանատուները խոստանում են այդ օրը իսկական տոն դարձնել:
Ներկաներին բազում անակնկալներ են սպասվում:
